Qazaqstandaǵy úzdik bestikke kiretin 5 kýrort
ASTANA. KAZINFORM – Ulttyq statıstıka bıýrosy Qazaqstannyń eń tanymal 5 kýrortyn atady. Byltyrǵy jylmen salystyrǵanda demalýshylardyń sany artýyna baılanysty úzdik demalys aımaqtar anyqtalǵan.
«2024 jyldyń qańtar-naýryz aılary aralyǵynda 766,6 myń adamǵa otandyq kýrorttyq aımaqtar qyzmet kórsetken. Bul 2023 jyldyń sáıkes kezeńimen salystyrǵanda 63,1 myń adamǵa artyq», — delingen habarlamada.
2024 jylǵy qańtar-naýryz derekteri boıynsha eń tanymal kýrorttyq aımaq retinde 551,9 myń adam demalǵan Almaty taý klasteri atalyp otyr.
Ekinshi oryn Şýche-Býrabaı kýrorttyq aımaǵyna tıesili. Bul aımaqta 69,1 myń adam ornalasqan.
Úshinshi kezeńde Mańǵystaý kýrorttyq aımaǵyna 57,5 myń adam barǵan.
Úzdik bestikke sonymen qatar eki tanymal kýrorttyq aımaq — Túrkistan týrıstik aımaǵy (26,1 myń adam) jáne Altaı kýrorttyq aımaǵy (20,7 myń adam) enip otyr.
Málim bolǵandaı, 2024 jyldyń qańtar-naýryz aılarynda kýrorttyq aımaqtar demalýshylardyń sany men kórsetilgen qyzmet sapasyna qaraı 27,8 mlrd teńge tabys tapqan.
Al, 2023 jyly atalǵan demalys oryndary 23,2 mlrd teńge tabysqa shyqqan bolsa, bıyl bul kórsetkish 19,8% - ǵa artyp otyr.
