Qazaqstandaǵy sýperkompıýterge jabdyqtar qaı elden jetkiziledi
ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstrligi elimizde jasandy ıntellekt júıelerin qurý salasynda adamı resýrstar jetkilikti ekenin málim etti.
«Mınıstrlik sýperkompıýter úshin jabdyqqa Amerıka Qurama Shtattaryna aldyn ala tapsyrys berdi. Degenmen, Qazaqstanǵa jabdyqty jetkizý merzimi AQSh úkimetiniń Qazaqstan Respýblıkasyna chıpterdi eksporttaý týraly qorytyndysyn shyǵarýyna baılanysty. Amerıkalyq tarap eksport lıtsenzııasyn alý protsesi uzaqqa sozylatynyn habarlady. Bul turǵyda eksporttyq lıtsenzııany berý úderisin jedeldetý boıynsha tıisti sharalar iske asyrylyp jatyr», - delingen mınıstrliktiń Kazinform agenttigine bergen jaýabynda.
Atalǵan vedomstvonyń málimetinshe, sýperkompıýterdi qurý quny áli bekitilgen joq.
«Qazaqstanda jasandy ıntellekt júıelerin qurý jáne oqytý úshin jetkilikti adamı resýrstar bar», - dep naqtylady Tsıfrlyq damý, ınnovatsııalar jáne aeroǵarysh ónerkásibi mınıstrliginen.
Eske salsaq, bıyl elimizde sýperkompıýter iske qosylatyny habarlandy.
2024 jyly aqpan aıynda «Samuryq-Qazyna», Tsıfrlyq damý, ınnovatsııalar jáne aeroǵarysh ónerkásibi mınıstrligi men Presight Qazaqstanda sýperkompıýter jasaý jobasynyń negizgi sharttary týraly kelisimge qol qoıdy.
