Qazaqstandaǵy onlaın saýdanyń 90 paıyzy Almatyda jasalady

ALMATY. KAZINFORM – Almatyda elektrondyq saýdanyń qazirgi jaı-kúıi men onyń damytý baǵyttary talqylandy. 

Almatynyń kásipkerlik jáne ınvestıtsııalar basqarmasynyń málimetinshe, 2024 jyldyń qorytyndysy boıynsha qaladaǵy elektrondyq saýda kólemi 5,3 trln teńge bolǵan. Bul kórsetkish ótken jylmen salystyrǵanda 42% joǵary. Onyń ishinde 3 trln teńge – taýarlardyń bólshek saýdasyna, 2,3 trln teńge – onlaın qyzmet kórsetýge tıesili. 

– Almatynyń respýblıka boıynsha onlaın saýdadaǵy úlesi 90%-dan asyp otyr. Qalada 1 500-den astam belsendi elektrondyq kommertsııa sýbektisi jumys isteıdi. Bul – el aýmaǵynda tirkelgenderdiń shamamen jartysy. Negizgi baǵyttarǵa kúndelikti tutynatyn taýarlar, tehnıka, kıim-keshek, kosmetıka, sondaı-aq jetkizý, kólik jáne brondaý salalaryndaǵy qyzmetter jatady. Almaty bazarlarynda 10 myńnan astam satýshy dástúrli saýda tásilin onlaın formatpen sátti ushtastyryp otyr, - dep habarlady ákimdikten. 

Almaty ákimdiginiń josparyna sáıkes, 2025 jyldyń sońyna qaraı megapolıstegi elektrondyq bólshek saýda kólemi 3,5 trln teńgege jetse, 2030 jylǵa qaraı saýda aınalymyndaǵy elektrondyq saýdanyń úlesi 50%-dan kem bolmaıdy. 

Eske salaıyq, buǵan deıin Qazaqstanda onlaın saýda eki ese óskenin jazǵanbyz.