Elimizdegi memlekettik arhıvterge jeke derekterdi qorǵaý fýnktsııasyn berý usynyldy

ASTANA.KAZINFORM – QR Parlamenti Májilisiniń salalyq komıtetteri halyqaralyq kelisimderdi ratıfıkatsııalaý jáne arhıv isi salasyndaǵy zańnamany jetildirýge baǵyttalǵan birqatar zań jobasyn qarady. 

Talqylaýǵa shyǵarylǵan qujattar qatarynda mynalar bar:

– TMD-ǵa múshe memleketterdiń radıatsııalyq ahýaldy monıtorıngileý derekterin almasý jónindegi kelisimi; 

– Qazaqstan men Qytaı úkimetteri arasyndaǵy jańartylatyn energııa kózderi salasyndaǵy jobalardy iske asyrý týraly kelisim;

– Túrki memleketteri uıymynyń azamattyq qorǵaý tetigin qurý jónindegi kelisimi.

Sonymen qatar depýtattar «Qazaqstan Respýblıkasynyń keıbir zańnamalyq aktilerine arhıv isi máseleleri boıynsha ózgerister men tolyqtyrýlar engizý týraly» zań jobasyn talqylady. Atalǵan qujatta «Ulttyq arhıv qory jáne arhıvter týraly» zańnyń qoldaný aıasyn keńeıtý kózdelgen. ıAǵnı arhıvtik qujattardy qalyptastyrý, saqtaý jáne paıdalaný tártibi naqtylanyp otyr.

Ulttyq arhıv qorynyń quramyna jobalyq-smetalyq qujattama, tájirıbelik-konstrýktorlyq jáne qala qurylysyna qatysty qujattar, sondaı-aq syzbalar men mátindik materıaldardy engizý usynyldy. 

Májilis komıtetiniń tóraǵasy, depýtat Ashat Aımaǵambetovtiń aıtýynsha, zań jobasynda memlekettik arhıvterdiń azamattardyń jeke derekteri men qupııa aqparattarynyń qorǵalýyn qamtamasyz etý fýnktsııasy bekitiledi.

– «Biryńǵaı elektrondyq qujattar arhıvy» júıesi arqyly elektrondyq muraǵatty júrgizý tártibi retteldi. Sondaı-aq Ulttyq muraǵat qorynyń quramyna qujattardy engizý, olardy saqtaý jáne menshik quqyǵy tártibi naqtylandy, - dedi depýtat.

Buǵan deıin Májilis arhıv qyzmetkerleriniń áleýmettik jaǵdaıyn jaqsartatyn zań jobasyn qaraıtynyn jazǵanbyz.