Qazaqstandaǵy medıtsınalyq mekemelerge qomaqty somada aıyppul salyndy
ASTANA. KAZINFORM – Elimizdegi keıbir emhanalar men aýrýhanalarǵa, áskerı gospıtaldar men lazaretterge 73 mln 539 myń teńgege aıyppul salyndy.
QR Saýda jáne ıntegratsııa mınıstrligi Tehnıkalyq retteý jáne metrologııa komıtetiniń málimetinshe, 2023 jyly medıtsınalyq mekemelerge qatysty 671 tekserý jasaldy.
Tekserý barysynda 104 medıtsınalyq mekemede 6 myńnan astam senimsiz ólsheý quraly anyqtaldy. Olardyń arasynda qan qysymyn ólsheıtin jabdyqtar, ókpeni jasandy jeldetý apparattary, dıfebrıllıatorlar, sondaı-aq jańa týǵan nárestelerge arnalǵan ınkýbatorlar bar.
«Medıtsınadaǵy ólsheý quralyn ýaqtyly salystyryp, tekserýdiń bolmaýy saldarynan qate nátıjelerdi kórsetýi múmkin. Bul turǵyda qate dıagnoz qoıylýy yqtımal jáne adam densaýlyǵy men ómirine eleýli qaýip tóndiredi» - dedi Tehnıkalyq retteý jáne metrologııa komıtetiniń tóraǵasy Qýanysh Elikbaev.