Qazaqstandaǵy mańyzdy avtojol jobalary boıynsha Jol kartasy bekitildi
ASTANA. KAZINFORM — Premer-mınıstrdiń birinshi orynbasary Nurlybek Nálibaevtyń tóraǵalyǵymen aǵymdaǵy jylǵy 26 maýsymda Investıtsııalar tartý jónindegi keńes otyrysynyń qorytyndysy boıynsha berilgen tapsyrmalardy oryndaý máseleleri boıynsha keńes ótti. Bul týraly Úkimettiń baspasóz qyzmeti málim etti.
Sondaı-aq keńes barysynda Memleket basshysynyń «Qyzylorda — Sekseýil», «Ulǵaısyn — Sekseýil» jáne «Beıneý — Sekseýil» jobalaryn iske asyrý jónindegi tapsyrmalaryn iske asyrý barysy qaraldy.
Qoıylǵan mindetterdi ýaqtyly jáne sapaly oryndaý jónindegi is-sharalar keshenin qamtıtyn tıisti Jol kartasy bekitildi.
Premer-mınıstrdiń birinshi orynbasary atalǵan avtojol jobalaryn iske asyrý Memleket basshysynyń erekshe baqylaýynda ekenin atap ótti.
Keńes qorytyndysy boıynsha Jol kartasy is-sharalarynyń oryndalýyn qamtamasyz etý, vedomstvoaralyq ózara is-qımyldy nyǵaıtý jáne belgilengen merzimderdi saqtaý boıynsha tıisti tapsyrmalar berildi.
Aıta keteıik, Qazaqstanda quny 100 mln eýrodan asatyn sýtegi óndirý jobasy salynady.
