Qazaqstandaǵy qonaq úıler men ornalastyrý oryndary 300 mlrd teńgege qyzmet kórsetti

2024 jyly Qazaqstandaǵy qonaq úıler, demalys bazalary, hostelder men ózge de ornalastyrý oryndary 299,8 mlrd teńgege qyzmet kórsetti. Bul týraly Týrızm ındýstrııasy komıteti málimdedi.

Bul — 2023 jylmen salystyrǵanda 31%-ǵa kóp. 2023 jyly saladaǵy qyzmet kólemi 229 mlrd teńgeni quraǵan edi.

- Ornalastyrý oryndarynyń sany jyl ishinde 311-ge artyp, jalpy sany 4 303 nysanǵa jetti.

Al birjolǵy syıymdylyǵy 18 myń tósek-orynǵa ulǵaıyp, 226 myńnan asty. Bul kórsetkishter elimizde týrızm ınfraqurylymynyń damý qarqyny joǵary ekenin jáne ornalastyrý oryndaryna suranystyń artqanyn aıǵaqtaıdy, - delingen aqparatta.

Qyzmet kólemi boıynsha kósh bastaǵan óńirler:

• Almaty qalasy — 96,3 mlrd teńge
• Astana qalasy — 65,7 mlrd teńge
• Aqmola oblysy — 27,7 mlrd teńge
• Mańǵystaý oblysy — 18,5 mlrd teńge
• Shymkent qalasy — 11,3 mlrd teńge.

Aıta keteıik, Qazaqstanda týrızm mamandyǵyn oqytý formaty ózgerdi.