Qazaqstandaǵy kómir qory 300 jylǵa jetedi – vıtse-mınıstr
ASTANA. KAZINFORM – Ónerkásip jáne qurylys vıtse-mınıstri Oljas Saparbekov Astanada ótip jatqan kómir óndirýshiler forýmynda eldegi kómir qorynyń mólsheri týraly sóz qozǵady.
«Qazirgi tańda kómir salasy eldegi elektr qýaty óndirisiniń 70%-yn, koks-hımııa óndirisiniń 100%-yn, kommýnaldyq-turmystyq sektor men halyqtyń otynǵa degen qajettiligin tolyq qamtamasyz etip otyr. Salada 32 myńdaı adam jumyspen qamtylǵan. Qazaqstannyń kómir qory jetkilikti (33,6 mlrd tonna) jáne qazirgi óndiris qýaty saqtalsa, áli 300 jyl kómir óndirýge bolady. Óndiris kólemi boıynsha álemdegi 10 aldyńǵy qatarli eldiń tobyna kiremiz», - dedi ol.
Vıtse-mınıstr salanyń aldynda jasyl energetıkaǵa degen basymdyq, logıstıka jáne baǵa qubylmalylyǵy sııaqty problemalar turǵanyn atap ótti.
«Bul problemalardyń saldarynan kómir óndirý kólemi tómendep keledi. 2023 jyly bul kórsetkish 113 mln tonna boldy. ıAǵnı, 2022 jylǵy kórsetkishten 1 mln tonnadaı az. Al bıylǵy qańtar-sáýir aralyǵyndaǵy óndiris kólemi 35 mln tonna boldy. ıAǵnı, 2022 jyldyń 4 aınydaǵy kórsetkishten 2,7 mln tonna az», - dedi Oljas Saparbekov.
Sondaı-aq, ol atalǵan problemalardy eńserý úshin Eýropa men Azııanyń jetekshi elderindegi tájirıbeni negizge alyp, «taza kómir» tehnologııasyna den qoıý kerektigin aıtty.
«Kómir hımııasy óndiris kólemin qazirgi deńgeıde saqtap qalýǵa ǵana emes arttyra túsýge múmkindik beretin aıtarlyqtaı jaqsy sala bolyp esepteledi. Sonyń arqasynda óńdeý ónerkásibiniń damýyna da úles qosýǵa bolady. Qytaı Halyq Respýblıkasyndaǵy sapar kezinde bizdiń kómir óndirýshiler kómirden hımııalyq ónimderinen marjasy joǵary, salǵan ınvestıtsııany tez aqtaıtyn hımııalyq ónimder alýǵa bolatynyna kóz jetkizdi. Bul baǵytta qytaılyq kompanııalarmen jergilikti kompanııalardyń seriktestigi aıasynda kapıtal men tehnologııa tartý baǵytynda jumys istep jatyrmyz», - dedi vıtse-mınıstr.
