Elimizdegi qysqy demalys oryndary: Altaıdan Túrkistanǵa deıingi 7 baǵyt
ASTANA. KAZINFORM — Qazaqstannyń qysqy týrıstik maýsymy saıahatshylardy alýan túrli landshafttarymen, belsendi jáne tynysh demalysqa laıyq múmkindikterimen tartady. Osy rette «Kazakh Tourism» UK basqarma tóraǵasynyń mindetin atqarýshy Danıel Serjanuly qysta saıahattaýǵa yńǵaıly birneshe baǵyt usyndy.
Qysqy marshrýtqa taý shańǵysy kýrorttaryn, ulttyq parkterdi jáne erekshe atmosfera syılaıtyn tabıǵı nysandardy qosýǵa bolady.
Shyǵys Qazaqstan: Altaıdyń qysqy marshrýttary
Qys mezgilinde Altaıdyń kórki aıryqsha jarqyraıdy. Óńirde shańǵy trassalary da, tynysh tabıǵat aıasynda demalǵysy keletinderge arnalǵan baǵyttar da bar. Sonyń biri — Altaı Alpileri. Bıyl Óskemenge jaqyn mańda ornalasqan «Nurtaý» taý shańǵysy kesheni qaıta jumysyn bastaıdy. Ol oblys ortalyǵynan 35 shaqyrym jerde ornalasqan, qysqy demalys pen shaǵyn saıahattarǵa yńǵaıly oryn.
Sonymen qatar óńirge kelgender Rıdder qalasyna da bara alady. Munda tabıǵaty kórkem Batys Altaı memlekettik tabıǵı qoryǵy ornalasqan. Qoryq mańynda da shańǵy bazalary bar.
Oǵan qosa, Qatonqaraǵaı óńiri qalyń qaraǵaıly ormandarymen, Altaıdyń panoramalyq kórinisterimen jáne qysqy joryqtarǵa qolaıly marshrýttarymen tanymal. Qar basqan ormandar, muz qursaýyndaǵy ózender, ásirese qys túse ertegige aınalatyn Korobıha aýyly — tynyshtyqty qalaıtyndarǵa taptyrmas oryn.
Almaty: qysqy belsendiliktiń ortalyǵy
Tabıǵat aıasyndaǵy demalys pen qalalyq ınfraqurylymdy biriktirgisi keletinder úshin Almaty — úzdik baǵyttardyń biri. Qala jáne onyń mańynda qysqy maýsymda usynylatyn túrli belsendilik bar:
— Oi-Qaragai taý kýrorty — qysqy demalystyń tanymal lokatsııalarynyń biri. Munda ártúrli belsendilikterge jaǵdaı jasalǵan. Qaraǵaıly ormandar men qarly betkeılerdiń arasynda jańa týrıstik nysan — aspaly kópir ashyldy. Ol qazirdiń ózinde ekstremaldy demalysty unatatyn týrısterdiń nazaryn aýdaryp otyr.
— qalalyq gastronomııalyq oryndar men zamanaýı mýzeıler.
Býrabaı: «Qazaqstannyń Shveıtsarııasy»
Şýchınsk-Býrabaı kýrort aımaǵy qysta tynysh demalysty qalaıtyndarǵa óte qolaıly meken. Qalyń qaraǵaıly ormandar, taza aýa, taý-jartastar óńirge erekshe qysqy kelbet beredi. Bul jerde qysta shańǵy jáne snoýbord, tıýbıng, qarda júretin shaǵyn kólikter, at shanamen serýen, qaraǵaıly ormandaǵy jaıaý baǵyttar qoljetimdi.
Bul aımaqta ornalasqan Orman Ski Resort shańǵy kesheni ártúrli deńgeıge arnalǵan birneshe trassamen jabdyqtalǵan. Keshende kótergishter jáne keshki ýaqytta syrǵanaýǵa múmkindik beretin jaryqtandyrý júıesi bar.
Baıanaýyl: qysqy kórkem tabıǵat
Baıanaýyl ulttyq parki qysta erekshe sulýlyqqa bólenedi. Qar jamylǵan taý jynystary, qaraǵaıly ormandar jáne muz qatqan kólder fototýrlarǵa da, otbasylyq saparlarǵa da qolaıly. Bul óńirde qysqy demalys túrlerine qysqy joryqtar, tabıǵı landshafttar arasynda fotomarshrýttar, qysqy shańǵy tebý kiredi.
Sharyn shatqaly: ózgeshe formattaǵy qysqy sapar
Sharynǵa kóbine jyly maýsymda barady, alaıda qysta shatqal erekshe tústerge boıalady. Qysqy jaryq jumsaq ári taza bolǵandyqtan, eń ádemi kadrlar ásirese tańsáride shyǵady.
Bul sapardy Shonjydaǵy ystyq bulaqtarǵa barýmen aıaqtaýǵa bolady. Qarly tabıǵat aıasynda ashyq aspan astyndaǵy termaldy sý, qysqy saıahattyń ádemi jalǵasyna aınalady.
Túrkistan: jumsaq klımat pen mádenı ortalyqtar
Jyly óńirlerde demalǵandy qalaıtyndar úshin Túrkistan — qysta jaıly klımat usynatyn aımaq.
Barýǵa usynylatyn nysandar:
— Qoja Ahmet ıAsaýı kesenesi (ıÝNESKO nysany)
— Karavansaray týrıstik kesheni
— jaıaý júrginshi aımaqtary men mýzeıler.
Eske sala keteıik, Qazaqstannyń kórikti týrıstik aýyldarynyń biri Korobıha saıahatshylar arasynda tartymdy baǵytqa aınalyp otyr.
Sonymen qatar Ulytaýda týrızm salasyna 3 mlrd teńge ınvestıtsııa tartylǵanyn jazǵan edik.