Qazaqstandaǵy KIA zaýyty jańa Konstıtýtsııany qabyldaý jónindegi referendýmdy qoldaıdy
ASTANA. KAZINFORM – KIA zaýyty – elimizdegi jańa ári joǵary tehnologııalyq kásiporyndardyń biri. Óndiristik alań 2025 jyldyń qazan aıynda iri ınvestıtsııalar men elde júrgizilip jatqan ekonomıkalyq reformalardyń qoldaýynyń arqasynda iske qosyldy.
Kásiporynnyń jobalyq qýaty jylyna 70 myńǵa deıin avtokólik shyǵarýǵa múmkindik beredi. Qazirgi tańda zaýyt qarqyndy damyp keledi, ujym qatary jas mamandarmen tolyǵýda. Óndiris tolyq jobalyq qýatyna shyqqan kezde munda 1 500 adamǵa deıin jumys isteıtin bolady.
Bul – tehnologııalyq úderiste 70 ónerkásiptik robot qoldanylatyn, elimizdegi eń robottandyrylǵan avtozaýyttardyń biri sanalatyn zamanaýı óndiris orny.
Ujym úshin jańa Konstıtýtsııa jobasynda eńbek qaýipsizdigine, ádil eńbekaqyǵa jáne qyzmetkerlerdiń quqyqtaryn kúsheıtilgen qorǵaýǵa kepildikterdiń bekitilýi aıryqsha mańyzdy.
– Biz jańa Konstıtýtsııany qabyldaý jónindegi referendýmdy qoldaımyz, óıtkeni myqty ekonomıka adam eńbegine degen qurmetten bastalady dep senemiz, - deıdi kásiporyn ujymy.
Zamanaýı óndiris pen qorǵalǵan eńbek – ekonomıkalyq ósim men erteńgi kúnge degen senimniń berik negizi.
