Qazaqstandaǵy keıbir Toyota RAV4 avtokólikteri keri qaıtarylady
ASTANA. KAZINFORM — 1997–1998 jyldary shyǵarylǵan jekelegen Toyota RAV4 avtokólikterine qatysty erikti túrde keri qaıtaryp alý naýqany júrgiziledi.
— Naýqan aıasynda júrgizýshiniń aldyńǵy qaýipsizdik jastyǵynyń gaz generatory tekserilip, qajet bolǵan jaǵdaıda tegin aýystyrylady. Keri qaıtaryp alý naýqany túpnusqa jabdyq retinde ornatylǵan Takata (NADI) óndirisiniń gaz generatorlarymen jabdyqtalǵan avtokólikterge qatysty júrgiziledi, — delingen Tehnıkalyq retteý jáne metrologııa komıteti habarlamasynda.
Óndirýshiniń málimetinshe, ýaqyt óte kele jekelegen komponentterdiń sıpattamalary nasharlaýy múmkin. Bul sırek jaǵdaılarda qaýipsizdik jastyǵynyń durys jumys isteýine áser etip, jol-kólik oqıǵasy kezinde jaraqat alý qaýpin arttyrýy yqtımal.
— Kólik ıeleriniń qaýipsizdigin qamtamasyz etý maqsatynda Toyota 20SMD-005 keri qaıtaryp alý naýqanyn bastady. Qajetti jumystardyń barlyǵy Qazaqstan Respýblıkasyndaǵy kez kelgen resmı Toyota dılerlik ortalyǵynda tegin oryndalady. Kórsetilgen jyldary shyǵarylǵan Toyota RAV4 avtokólikteriniń ıelerine óz kóliginiń atalǵan naýqanǵa qatysý-qatyspaýyn VIN-kody arqyly tekserip, qajetti jumystardy júrgizý úshin resmı dılerge júginý usynylady, — delingen habarlamada.
Aıta ketelik depýtat Toyota Alphard pen Estima kólikterimen jolaýshy tasymalyna tyıym salý kerektigi týraly aıtqan.
