Qazaqstanda qazaq ultynyń úlesi 70,4 paıyzǵa jetti

Qazaqtardyń úlesi 70,4% deıin ósti, dep habarlaıdy Kazinform ulttyq statbıýroǵa silteme jasap. 

2021 jylǵy sanaq qorytyndysy boıynsha qazaqtardyń sany — 13,4 mln.

2009 jyldan bergi ósim — 33,7% (10 mln — 2009 jyly), jalpy halyq sanyndaǵy qazaqtardyń úlesi 63,1%-dan 70,4%-ǵa deıin ósti.

Sondaı-aq, sany kóp ulttar qataryna orystar — 2,9 mln, ózbekter — 614 myń, ýkraındar — 387 myń jáne uıǵyrlar — 290 myń adam kirdi.

Qazaqstanda taǵy qandaı etnostar turady?

Sanaq qorytyndysy boıynsha elimizdegi etnostar sany — 124. 

Olardyń arasynda lıvter, vepsiler, orochtar, dolgandar, danııalyqtar, ýdegeıler, tsahýrlar, mansylar, nanaılar, mońǵoldar, selkýpter, chýkchalar, ýlta, nıvhter, ıjorlar, ketter, korıaktar, qyrymshaqtar, nganasandar, saamdar, chývandar bar.

Aıta keteıik, 2021 jylǵy saýalnamaǵa ultty «kórsetpeý» jaýap nusqasy qosylǵan.

Osylaısha 24,8 myń adam óz ultyn kórsetýden bas tartqan.

Sondaı-aq 2021 jyly sanaq kezinde «basqa ult» jaýabyn tańdaǵandar 47,5 myń adamdy qurady, al 2009 jyly mundaı adamdardyń 8-i bolǵan.