Qazaqstandaǵy gazdyń 85 paıyzdan astamy batystaǵy úsh ken ornynan óndiriledi

ATYRAÝ. KAZINFORM – Qazaqstandaǵy gazdyń 85 paıyzdan astamy batystaǵy úsh ken ornynan óndiriledi. Ken ornynyń ekeýi Atyraý, bireýi Batys Qazaqstan oblysynda ornalasqan.

Energetıka mınıstrliginiń málimetinshe, QR «Gaz jáne gazben jabdyqtaý týraly» zańyna sáıkes «QazaqGaz» UK AQ-men birge 2030 jylǵa deıin gazdyń boljamdy balansyn qalyptastyrylǵan. 

«Qazaqstanda gaz óndirýdiń 85%-dan astamyn Teńiz (27%), Qarashyǵanaq (38%) jáne Qashaǵan (20%) jobalary qamtamasyz etedi. 2023 jyly Qazaqstan Respýblıkasynyń gaz óndirisi 59,063 mlrd tekshe metrdi qurady. Onyń ishinde Teńiz ken ornynan – 16,009 mlrd tekshe metr, Qarashyǵanaqtan 22,385 mlrd tekshe metr, Qashaǵannan 11,856 mlrd tekshe metr, basqa ken oryndarynan 8,813 mlrd tekshe metr gaz óndiridi», -dep habarlady mınıstrliktiń baspasóz qyzmeti.

Mınıstrliktiń málimetine qaraǵanda, gaz salasynyń damý qarqyny sońǵy jyldary elimizde gaz óndirý turaqty ósip kele jatqanymen rastalǵan. Bıyl gazdyń boljamdy balansyna sáıkes gaz óndirý 60,456 mlrd tekshe metrge deıin ósedi josparlanyp otyr. 

«Bıylǵa arnalǵan taýarlyq gaz óndirý jospary – 28,054 mlrd tekshe metr. Gazdyń boljamdy balansyna sáıkes aǵymdaǵy ishki tutyný 20,9 mlrd tekshe metrdi quraıdy», -delingen mınıstrliktiń málimetinde.

Eske sala ketelik, buǵan deıin Qazaqstan qaı elderge munaı-gaz hımııa ónimderin eksporttaıtyny habarlanǵan edi.