Qazaqstandaǵy eń tómengi zeınetaqy mólsheri ataldy – Eńbek mınıstrligi

ASTANA. KAZINFORM – QR Eńbek jáne halyqty áleýmettik qorǵaý vıtse-mınıstri Vıktorııa Shegaı Úkimettegi brıfıngte eldegi eń tómengi zeınetaqy mólsherin jarııa etti, dep habarlaıdy Kazinform agenttiginiń tilshisi.

— Elimizde zeınataqy jınaǵy 1998 jyldan bastalady. Sol jyldan beri eńbek ótili bar jáne kemi 25 jyl ótili bar er adamdarǵa, sondaı-aq kemi 20 jyl eńbek ótili bar áıel adamdarǵa eń tómengi zeınetaqy mólsheri 62,7 myń teńgeni quraıdy. Al eger biz eń tómengi bazalyq zeınetaqy týraly aıtsaq – ol barlyq azamattarǵa, sonyń ishinde eńbek ótili joq adamdarǵa da birdeı. Onyń mólsheri eń tómengi kúnkóris deńgeıiniń 70 paıyzyna teń nemese 32,3 myń teńge», – dedi vıtse-mınıstr. 

Ol Qazaqstanda kópdeńgeıli zeınetaqy júıesi qalyptasqanyn, al respýblıkalyq bıýdjetten tólenetin zeınetaqy tólemderi jıyntyq zeınetaqynyń bir ǵana bóligi ekenin atap ótti.

— Sondyqtan zeınetaqynyń mólsherine kelsek, ol árqashan adamnyń zeınetke shyqqanǵa deıingi eńbek tabysyna baılanysty bolady, – dedi Vıktorııa Shegaı.

Aıta keteıik, buǵan deıin keıbir qazaqstandyqtar úshin zeınetaqy tóleminiń jańa tártibi engiziletini jaıly jazǵan edik.