Qazaqstandaǵy eń yqpaldy 50 bıznesmen: reıtıngte ózgeris bar ma

Forbes jýrnaly 2011 jyldyń qazan aıynan beri elimizdegi eń yqpaldy 50 bıznesmenniń tizimin jarııalap kele jatyr. Bıyl da júrisinen jańylǵan joq. Tizimdi osymen on úshinshi ret jarııa etti. Osy jolǵy erekshelik, eń alǵash ret jarııalanǵan sátten beri reıtıngtiń basynda alma-kezek júretin Tımýr Qulybaev pen Bolat Ótemuratov bul joly kóshbasshylyq tizginin Vıacheslav Kımge berip qoıdy, dep habarlaıdy Kazinform agenttigi. 

Reıtıngtiń long-paraǵyna qoǵamdyq jáne demeýshilik qyzmeti eskerile otyryp, elimizdegi eń tanymal ári belsendi 80-nen astam bıznesmen engizilgen. Zertteý toby olardyń ishinen kapıtaly, jumysshylar sany, ótken jylǵy salyq aýdarymdary boıynsha jıyntyq ball negizinde eń joǵary nátıjesi bar 62 qatysýshyny iriktep alǵan. Al bul tizim bıznes qaýymdastyq basshylarynan, saıasat jáne qoǵam qaıratkerlerinen, iskerlik BAQ sarapshylary men tilshilerinen jasaqtalǵan ekspertter tarapynan 5 baldyq shkala arqyly baǵalanǵan. Sonymen, atalǵan baǵalaýlarǵa sáıkes, elimizdegi eń bedeldi 50 bıznesmenniń qataryna alǵash ret 6 kásipker kirip otyr. Olar: Qanat Kópbaev, Eldar Sársenov, Aıdarbek Hodjanazarov, Raýshan Saǵdıeva, Rústem Qaraǵoıshın jáne Almas Chýkın.

№1 Vıacheslav Kım
Bıylǵy reıtıngte kósh bastaǵan Vıacheslav Kımniń baılyǵy 3,6 mlrd dollarǵa baǵalanady. Ol Kaspi.kz aktsıoneri ári dırektorlar keńesiniń tóraǵasy, kompanııanyń 23,40 paıyz aktsııasyna ıelik etedi. «Alseko» AQ-tyń majorıtarlyq aktsıoneri, sol arqyly «Astana-ERTs» JShS-ine baqylaý jasaıdy. Munan bólek, «ELTOP Soft» jáne «Pozıtıv Invest» seriktestikterinde úlesi bar.

№2 Bolat Ótemuratov
2,7 mlrd dollar baılyǵy bar Bolat Ótemuratovqa «ForteBank» AQ-nyń 81,82 paıyzy tıesili. «KaR-Tel», «Sky Mobile», altyn óndiretin RG Gold kompanııalarynda úleske ıe. Astanadaǵy, Vena men Máskeýdegi Ritz-Carlton jáne Aqmola oblysyndaǵy Rixos Borovoe qonaq úıleriniń ıesi. Informburo.kz, «31 kanal» telearnasynda, Narhoz ýnıversıtetinde jáne Astana men Almaty qalalaryndaǵy Haileybury mektepterinde úlesi bar.

№3 Tımýr Qulybaev

Baılyǵy 4,3 mlrd dollar Tımýr Qulybaevtyń eń iri aktıvi – «ALMEKS-holdıng toby» AQ. Ol dál osy kompanııa arqyly jubaıy Dınaramen birge «Qazaqstan halyq banki» AQ-nyń 69,52 paıyzyn basqaryp otyr. Sonymen qatar, onyń ıeliginde «Altyn Bank» AQ-nyń 40 paıyz aktsııasy bar. Top óz qyzmetin Qazaqstannan bólek Qyrǵyzstan, Ózbekstan jáne Grýzııada júrgizedi. Jalpy, Tımýr Qulybaevtyń ıeliginde munan ózge de birneshe aktıv bar.

№4 Vladımır Kım
KAZ Minerals Ltd aktsıoneri ári prezıdenti Vladımır Kımniń kompanııalar todbyna Pavlodar oblysyndaǵy Bozshakól, Abaı oblysyndaǵy Aqtoǵaı kenishteri, Shyǵys Qazaqstandaǵy úsh jerasty kenishi, Qyrǵyzstandaǵy altyn-mys kenishi kiredi. «Qazaqmys» korporatsııasy men «Bank RBK» AQ-ta majorıtarlyq úlesi bar onyń baılyǵy 4,6 mlrd dollarǵa baǵanalady.

№5 Tımýr Týrlov
Ol Freedom Holding Corp ınvestıtsııalyq tobynyń negizin qalaýshy ári majorıtalyq aktsıoneri. Baılyǵy – 3,1 mlrd dollar.

№6 Aleksandr Mashkevıch
Ol Patoh Shodıev, Ibragımovter otbasy jáne Qazaqstan Úkimetimen birge ıelik etetin Eurasian Resources Group aktsıoneri jáne dırektorlar keńesiniń tóraǵasy. Kompanııalar tobyna «Qazhrom» kompanııasy, Sokolov-Sarybaı taý-ken baıytý óndiristik birlestigi, Qazaqstan elektrolız zaýyty jáne basqa da aktıvter kiredi. Baılyǵy – 3,7 mlrd dollar.

№7 Nurlan Smaǵulov
810 mln dollar baılyǵy bar Nurlan Smaǵulov «Astana grýpp» holdınginiń negizin qalaǵan jáne onyń tóraǵasy. Holdıng quramyna «Astana motors» kompanııasy, Almaty men Astanadaǵy MEGA saýda ortalyqtary jáne MyCar jobasy kiredi.

№8 Aıdyn Rahymbaev
Segizinshi orynda turǵan BI Group holdınginiń aktsıoneri ári dırektorlar keńesiniń tóraǵasy Aıdyn Raqymbaevtyń baılyǵy 620 mln dollarǵa baǵalanady.

№9 Aleksandr Belovıch
Ol - Bazis-A korporatsııasynyń negizin qalaýshy ári dırektorlar keńesiniń tóraǵasy. Búginde korporatsııaǵa ulymen birge ıelik etip otyr. Otbasylyq baılyǵy – 790 mln dollar

№10 Eýard Ogaı
Baılyǵy – 750 mln dollar. «Kazakhmys Copper» AQ-nyń 30 paıyzyna ıelik etedi. Munan bólek, 2 ulymen birge «Qarajyra» AQ-nyń 70 paıyzyna baqylaý jasap otyr.

№11 Shýhrat Ibragımov

ERG tobynda Ibragımovter otbasy atynan ókildik etedi jáne toptyń dırektorlar keńesiniń quramyna kiredi. Sonymen qatar, «Eýrazııa» saqtandyrý kompanııasy» AQ dırektorlar keńesiniń tóraǵasy, «Eýrazııalyq qarjy kompanııasy» AQ jáne «Eýrazııalyq bank» AQ dırektorlar keńesiniń múshesi, Eurasian Resources Group baqylaý keńesiniń múshesi. Otbasylyq baılyǵy - 1 mlrd 320 mln dollar.

№12 Oleg Novachýk
Baılyǵy – 615 mln dollar. Ol Nova Resources B.V. V arqyly KAZ Minerals Ltd kompanııasynyń 36,5 paıyzyn baqylaýynda ustap otyr.

№13 Raıymbek Batalov
Quramyna Raimbek Agro, «Raıymbek grýpp plıýs», City Fair Trade ltd, Raimbek Bottlers Group kompanııalary kiretin Raimbek Group holdınginiń ıesi ári dırektorlar keńesiniń tóraǵasy. Qazirgi ýaqytta «Atameken» ulttyq kásipkerler palatasyna basshylyq jasaıdy.

№14 Ǵalymjan Esenov
Ol «First Heartland Securities» AQ-nyń 99,74 paıyzyna ıelik etedi. Bıyl «First Heartland Jusan Bank» AQ-tyń 78,73 paıyzyn ıeligine aldy. Onyń ıeliginde munan ózge de birneshe kompanııa bar. Baılyǵy – 435 mln dollar.

№15 Erkin Tátishev
Erkin Tátishev - 2002 jyly qurylǵan jáne Kanada, Qytaı, Izraıl, Vetnam Ýkraına, Grýzııa, Sıngapýr, Túrkııa jáne Qazaqstanda jumys isteıtin Kusto Group kompanııasy ıeleriniń biri jáne Dırektorlar keńesiniń tóraǵasy. Baılyǵy – 338 mln dollar.

№16  Dinmuhamet Ydyrysov
Mańǵystaý, Qaraǵandy, Túrkistan jáne Shyǵys Qazaqstan oblystarynda jumys isteıtin Qazaqstannyń kommýnaldyq júıesi» JShS-ine, Ordabasy Group kompanııasyna ıelik etedi. Ózge de kompanııalarda úlesi bar. Baılyǵy – 490 mln dollar.

№17 Baqytbek Baıseıitov
«TsentrKredıt banki» AQ-nyń 48,47 paıyzyn ıelenedi. Ózge de avtıkterde úlesi bar. Baılyǵy – 392 mln dollar.

№18 Danııar Ábilǵazın
Danııar Ábilǵazınniń otbasy «Sinooil», «PetroRetail» «Mercury Service Company» seriktestikterindegi úleske ıe. Baılyǵy – 290 mln dollar.

№19 Aıdan Káribjanov
«Visor Kazakhstan» JShS-niń majorıtarlyq ıesi. Sonymen qatar «Aua Energy», «Greencity KZ», «Northern Wind Kazakhstan», «Aspan Energo» jáne jel elektr stansalarynan elektr energııasyn óndirýmen aınalysatyn «Sarma Energy» kompanııalarynda úlesi bar. Baılyǵy – 226 mln dollar.

№20 Keńes Raqyshev
Ol «Fincraft Group» JShS-niń ıesi. Atalǵan kompanııa arqyly quramyna «SAT Nickel» jáne «SAT Petrochemicals» kompanııalary kiretin Fincraft Resources» AQ-nyń 78,39 paıyzyna ıelik etip otyr. Ózge de kompanııalarda úlesi bar. Baılyǵy – 570 mln dollar.

№21 Aleksandr Klebanov
Bıznesmenge quramyna «Pavlodarenergo» AQ, «Sevkazenergo» AQ, «Aqmola elektr jelilerin taratý kompanııasy» AQ kiretin «TsAEK» AQ-tyń 47,10 paıyzy tıesili. Baılyǵy – 398 mln dollar.

№22 Almas Sultanǵazın
Sulpak pen Alser saýda jelileriniń majorıtarlyq úlesine ıelik etetin bıznesmenniń baılyǵy 182 mln dollardy quraıdy. Onyń ózge de kompanııalardy úlesi bar.

№23 Serikjan Seıitjanov
Bıznesmenniń otbasyna «Ońtústik» qarjy saýda-ónerkásip korporatsııasy tıesili. Olar osy korporatsııa arqyly kóptegen kompanııaǵa ıelik etedi. Sonymen qatar, Rixos Khadisha Shymkent, Rixos Turkestan qonaq úıleri, Satti Zhol janar-jaǵarmaı quıý stansalary jelisi, Shymkenttegi Ońtústik Qazaqstan medıtsına akademııasy men Innovatsııalyq-tehnıkalyq kollejdi de osy otbasynyń ıeliginde. Baılyǵy – 360 mln dollar.

№24 Armanjan Baıtasov
Armanjan Baıtasovtyń quramyna MuzzOne telearnasy, «Bıznes-FM» radıostansasy, Businessfm.kz saıty, Forbes Kazakhstan jáne Forbes Georgia jýrnaldary kiretin Tan Media Group pen United Media Group kompanııalarynda úlesi bar. Baılyǵy – 89 mln dollar.

№25 Berik Qanıev
Bıznesmen quramyna munaıservıs, qurylys, taý-ken, farmatsevtıka salalarynda kompanııalar kiretin Lancaster Group aktsıoneri jáne dırektorlar keńesiniń tóraǵasy.

№26 Andreı Lavrentev
Ol quramyna «Agromashholdıng» JShS men «Saryarqaavtoónerkásip» JShS kiretin «Allıýr» kompanııalar toby» AQ-nyń aktsıoneri jáne dırektor keńesiniń tóraǵasy.

№27 Edýard Kım
Qazaqstan men Qyrǵyzstanda Technodom jelileri bar «Technodom Operator» AQ negizin qalaýshy ári ıesi. Ózge de kompanııalarda úlesi bar. Baılyǵy – 279 mln dollar.

№28 Qanat Kópbaev
Kusto Group PTE Ltd basqarýshy dırektory. Qazaqstanda toptyń ıeliginde mynadaı kompanııalar bar: «Kazpetrol Group» JShS, Compass janar-jaǵarmaı quıý stansalar jelisi, «Kusto Home» JShS, «Semey Tannery» JShS, «KazCenosphere’s» JShS. Baılyǵy – 169 mln dollar.

№29 Saıdýlla Qojabaev
Ol Alageum Group kompanııasynyń majorıtarlyq ıesi. Kompanııa quramyna, Kentaý, Oral, Aqtaý, Almaty. Shymkent qalalaryndaǵy trasformator zaýyttary kiredi. Baılyǵy – 170 mln dollar.

№30 Eldar Ábdirazaqov
Bıznesmen quramyna «Kommesk-Ómir», «Sentras Kommesk Life», «Sentras Inshýrans», «Sentras Sekıýrıtız», «Sentras Kapıtal» «Sentras» venchýrlyq qory» kompanııalary kiretin Centras Group holdıngine ıelik etedi.

№31 Qaırat Itemgenov
Oǵan KBI Energy», «Satti Logistics» seriktestikteri Greenhouse-Qaztomat jylyjaı kesheni, Máskeýdegi Mövenpick jáne Pana qonaq úıleri, Almatydaǵy Novotel Living, Ibis Style qonaq úıler jelisi tıesili. Baılyǵy – 323 mln dollar.

№32 Eldar Sársenov
Ol 2021 jyly JP Finance Group» JShS-niń jalǵyz ıesi boldy. Atalǵan kompanııa arqyly bıznesen «Nurbank» AQ-tyń 87,87 paıyzyn ıelik etip otyr. Otbasylyq baılyǵy – 950 mln dollar.

№33 Marǵulan Seısembaev
Asadel Partners PEF Pte Ltd basqarýshy seriktesi. Sol arqyly «Alel Agro», «Tamos Education» syndy kompanııalardyń úlesine ıelik etedi.

№34 Qaırat Majıbaev
Bıznesmenge Reseı men Qyrǵyzstanda enshiles kompanııalary bar «RG Brands» AQ-nyń 98,05 paıyzy tıesili. Baılyǵy – 185 mln dollar.

№35 Baharıdın Ablazımov
Ol «QazAzot» JShS Dırektorlar keńesiniń tóraǵasy. Sonymen qatar elimizdegi birqatar kompanııada úlesi bar. Baılyǵy – 238 mln dollar.

№36 Serik Tolyqpaev
Serik Tolyqpaev quramyna qus etin óndirý jáne qaıta óńdeý, satý salasynda 15-ten astam kásiporyn kiretin Aitas KZ kompanııalar tobynyń majorıtarlyq aktsıoneri. Baılyǵy – 202 mln dollar.

№37 Farrýh Mahmýdov
Orbis Kazakhstan kompanııalar tobynyń negizin qalaýshy ári Dırektorlar keńesiniń tóraǵasy. Toptyń elimizdiń 12 qalasynda 46 avtoortalyǵy bar. Baılyǵy – 385 mln dollar.

№38 Erlik Balfanbaev
Ol Alina kompanııalar tobynyń negizin qalaǵan. AlinEX, Alina Paint, «Nashı», Norma, Decorex, G-EX syndy brendter kiredi. Baılyǵy – 165 mln dollar.

№39 Ivan Saýer
Ivan Saýer «Rodına» agrofırmasy» JShS-niń ıesi ári bas dırektory. Sonymen qatar ol «Astana-Nan», «Tastaq», «AF-Otan» JShS-lerine ıelik etedi.

№40 Aıdarbek Hodjanazarov
Ol «Alto Logistics» JShS ıeleriniń biri. Qazirgi ýaqytta Májilis depýtaty, Respublica partııasynyń tóraǵasy.

№41 Baýyrjan Ospanov
Bıznesmen «TSC Service» jáne «Koksu Hydro» JShS-lerine ıelik etedi.

№42 Oraz Jandosov
«Rakýrs Konsaltıng Grýp» jáne «Eneverse KunKuat» kompanııalary ıeleriniń biri. Sonymen qatar, ol birqatar kompanııanyń dırektorlar keńesiniń múshesi.

№43 Aleksandr Derıglazov
Ol «Meloman/ Marwin» saýda jelisiniń, «Komfort» úıge arnalǵan taýarlar gıpermarket jelisiniń jáne «Birinshi qazaqstandyq mýzykalyq baspa» JShS-niń ıesi. Baılyǵy – 87 mln dollar.

№44 Vladımır Denısov
«Scat» áýe kompanııasy» AQ prezıdenti jáne majorıtarlyq aktsıoneri. Ol osy kompanııa arqyly Tarazdaǵy Áýlıe ata halyqaralyq áýejaıyna jáne óńirlik áýe reısterimen aınalysatyn «Ońtústik aspan» AQ-ǵa baqylaý jasaıdy. Sonymen qatar, kompanııa Mysyrdyń Red Sea Airlines áýe kompanııasynyń 40 paıyz aktsııasyna ıelik etedi.

№45 Rýstam Qaraǵoıshın
Ol «Qazaqstan astyq konsortsıýmy» JShS-nyń basshysy, «Ushtobe Et» JShS-nyń ıesi. Sonymen qatar, «QZQ Development», «KTK Group» JShS jáne Kazakh Agro Production jeke kompanııasy ıeleriniń biri.

№46 Marat Sársenov
Vagon parki 10 myń vagon, temirjol tasymalymen aınalysatyn «Istkomtrans» JShS-niń majorıtarlyq úlesine ıelik etedi. Baılyǵy – 105 mln dollar.

№47 Raýshan Saǵdıeva
Ol «Vector Enterprise» jáne «FCI Management LLP» JShS-lerine ıelik etedi.

№48 Marat Baqqulov
Bıznesmen Qazaqstan men Tatarstanda óndiristik jeldetkishter shyǵaratyn «Almaty jeldetkish zaýyty» JShS-ne ıelik etedi.

№49 Almas Qudaıbergen
Centrasia Group kompanııasynyń negizin qalaýshy ári basqarma tóraǵasy. Top quramyna Qazaqstan, Reseıf, Túrkııa jáne Grýzııadaǵy iri munaı jobalarda jumys isteıtin kompanııa kiredi.

№50 Almas Chýkın
Visor ınvestıtsııalyq kompanııasynyń basqarýshy seriktesi. Sonymen qatar, «3 Element» JShS-ne ıelik etedi.