Qazaqstandaǵy ekinshi AES Almaty oblysynda salynady

ASTANA. KAZINFORM — Tıisti qaýlyǵa 26 qańtarda Qazaqstan Respýblıkasynyń Premer-mınıstri Oljas Bektenov qol qoıdy, dep habarlaıdy Kazinform agenttiginiń tilshisi.

— «Ekinshi atom elektr stantsııasy» ıadrolyq qondyrǵysyn salý týraly jáne ıadrolyq qondyrǵy salynatyn aýmaq retinde Almaty oblysynyń Jambyl aýdanyn aıqyndaý jóninde sheshim qabyldansyn, — delingen qujatta.

Qaýly qol qoıylǵan kúninen bastap kúshine enedi.

Eske salaıyq, 2025 jylǵy tamyzda Almaty oblysyndaǵy Úlken aýyly mańynda Qazaqstan tarıhyndaǵy alǵashqy atom elektr stantsııasynyń qurylysy resmı túrde bastalǵan bolatyn.

Keıinnen Qazaqstandaǵy alǵashqy AES-tiń ataýy belgili boldy.

Atom energetıkasy jónindegi agenttik tóraǵasy Almasadam Sátqalıev elimizdegi tuńǵysh atom elektr stansasyna «Balqashtan» basqa taǵy qandaı ataýlar usynylǵanyn aıtty.

Sonymen qatar AES qurylysyna alty myńǵa jýyq jumysshy jumyldyrylatyny anyqtaldy.

Almaty oblysy ákimi Marat Sultanǵazıev oblys aýmaǵyndaǵy alǵashqy AES mańyndaǵy jergilikti halyqqa ekologııalyq ótemaqy tóleý týraly suraqtarǵa jaýap berdi.