Qazaqstandaǵy densaýlyq saqtaý uıymdarynyń tabysy 4,2 trln teńgeden asty
ASTANA. KAZINFORM — 2025 jyly Qazaqstandaǵy densaýlyq saqtaý jáne halyqqa áleýmettik qyzmet kórsetetin uıymdardyń jıyntyq tabysy 4,225 trln teńgege jetti. Al shyǵystary 4,149 trln teńgeni qurady. Bul týraly Qazaqstan Ulttyq statıstıka bıýrosy habarlady.
Jarııalanǵan derekke sáıkes, tabystyń eń úlken úlesi aýrýhanalar qyzmetine tıesili — 2,2 trln teńge. Bul jalpy kólemniń 52,5 paıyzyn quraıdy.
Odan keıin jalpy dárigerlik praktıka — 667,1 mlrd teńge, densaýlyq saqtaý salasyndaǵy ózge qyzmetter — 663,7 mlrd teńge jáne mamandandyrylǵan dárigerlik praktıka — 235,9 mlrd teńge kóleminde tabys ákelgen.
Áleýmettik qyzmet kórsetý men stomatologııalyq qyzmet te jalpy kiriste eleýli úleske ıe.
Shyǵystar qurylymynda eń úlken úles eńbek aqy tóleý men qyzmetkerlerdi ustaýǵa jumsalǵan. Bul baǵytqa 2,144 trln teńge nemese jalpy shyǵynnyń 51,7 paıyzy baǵyttalǵan.
Satyp alynǵan qyzmetterge 603,1 mlrd teńge jumsalǵan. Qalǵan shyǵystardyń jıyntyq kólemi 1,4 trln teńgeden asty.
Óńirler boıynsha eń joǵary tabys Almaty qalasynda tirkeldi — 792,2 mlrd teńge. Odan keıin Astana — 671,6 mlrd teńge jáne Túrkistan blysy — 265,4 mlrd teńge kórsetkishke jetti.
Bul tizimde odan ári Shymkent, Qaraǵandy, jáne Almaty oblystary ornalasqan.
Sonymen qatar keıbir óńirlerde shyǵys tabystan asyp tústi. Olardyń qatarynda Qaraǵandy, Shyǵys Qazaqstan, Qostanaı jáne Aqmola oblystary bar.
Osyǵan deıin habarlaǵanymyzdaı, Qazaqstanda úsh jylda 800-den astam densaýlyq saqtaý nysany salyndy.
