Qazaqstandaǵy birlesken kásiporyndardyń 40% reseılik bıznestiń qatysýymen qurylǵan – «Atameken» UKP

ASTANA. KAZINFORM – «Atameken» ulttyq kásipkerler palatasy basqarma tóraǵasynyń orynbasary Tımýr Jarkenov Qazaqstan ekonomıkasy úshin Reseı kompanııalarymen yntymaqtastyqtyń mańyzyna toqtaldy.

— Qazaqstan EAEO aıasyndaǵy óndiristik tizbekti damytýǵa zor mán beredi jáne biz reseılik kásiporyndarmen yntymaqtastyq sınergetıkalyq tıimdi nátıje beredi dep esepteımiz, — dedi ol qazir Sankt-Peterbýrgte ótip jatqan halyqaralyq ekonomıkalyq forýmda. 

Sondaı-aq ulttyq kásipkerler palatasy basshysynyń orynbasary Qazaqstandaǵy barlyq birlesken kásiporynnyń 40%-y reseılik bıznestiń qatysýymen qurylǵanyn málim etti. 

- Bul kórsetkish ekijaqty yntymaqtastyqtyń naqty nátıjesi jáne bolashaqta ósý áleýeti joǵary, - deıdi ol. 

Buǵan deıin Reseı Izraıl men Iranǵa araǵaıyndyq jasaýǵa daıyn ekendigin habarlaǵan edik.