Qazaqstandaǵy aýqymdy reformalar qazirgi syn-qaterlerge jaýap berýge qaýqarly - ózbekstandyq sarapshy
TAShKENT. KAZINFORM – Beldi ózbekstandyq saıasattaýshy, «Ma'no» zertteý bastamalary ortalyǵynyń dırektory Bahtıer Ergashev Prezıdent Qasym-Jomart Toqaev bastamashy bolǵan konstıtýtsııalyq reformalarǵa qatysty pikir bildirdi, dep habarlaıdy Kazinform agenttiginiń menshikti tilshisi.
Suhbat basynda sarapshy atap ótkendeı, Qazaqstannyń saıası júıesi tıimdi teńgerimdi ustap turýǵa ekpin túsire otyryp, jańa sapaly damý deńgeıine ótip jatyr.
- Jańartylǵan Parlament róliniń kúsheıýi sarapshylardyń erekshe nazarynda. Qazaqstan osy ýaqyt aralyǵynda parlamentarızmniń eki palataly júıesin synaqtan ótkizdi. Endi el úshin turaqty jumys isteıtin, yqshamdy, biraq ókilettigi aıtarlyqtaı nyǵaıǵan bir palataly Parlament qurý qajet. Atap aıtqanda, aldaǵy ýaqytta kadrlyq taǵaıyndaýlar tek Quryltaıdyń kelisimimen júrgiziledi. Qazaqstannyń saıası júıesin túbegeıli reformalaıtyn mańyzdy ári jaýapty kezeń týdy. Buǵan deıin ilkimdi ister jergilikti jáne ortalyq atqarýshy bılik organdary deńgeıinde de júrgizilgen. Degenmen jańa saıası baǵdar jyldam ózgerip jatqan álemdik jaǵdaıǵa tez beıimdelip, buryn-sondy bolmaǵan syn-qaterler men mindetterge jaýap berýge qaýqarly bolýy tıis, - dedi Bahtıer Ergashev.
Sarapshynyń pikirinshe, ár memleket Parlamentin óziniń saıası, ekonomıkalyq jáne áleýmettik saladaǵy ulttyq múddesine saı qalyptastyrady. Osy oraıda, Qazaqstannyń artyqshylyǵy kóp modelge kóshýi qazirgi syn-qaterlerge der kezinde tıimdi jaýap berýge degen umtylysyn rastaıdy.
- Qazirgi ýaqytqa deıin Qazaqstanda eki palataly parlament júıesi jumys istep keledi. Munyń da óz artyqshylyǵy bar. Máselen, tómengi jáne joǵarǵy palata arasyndaǵy teńgerim saqtalady. ıAǵnı, deptýtattar tobynyń keıbir popýlıstik qadamdaryn Senat tejeı alady. Alaıda, kemshilikteri de joq emes. Mysaly, AQSh-taǵy eki palataly parlamenttiń óz tarıhy bar. Ol jaqta memleket shtattardan quralady. Tıisinshe, ár shtat tómengi palata men Senatta ókildigin ıelengisi keledi. Al qazir biz Qazaqstanda memlekettik basqarý júıesin ońtaılandyrý úrdisi júrip jatqanyn kórip otyrmyz. Endi zań shyǵarý mehanızmi tıimdi bolady. Jaǵdaı árqashan kitapta jazylǵandaı bola bermeıdi. Sondyqtan naqty tájirıbege súıený kerek. Meniń oıymsha, baýyrlas Qazaqstandaǵy beldi sarapshylar bul máseleni jan-jaqty taldady jáne baǵalady, sáıkesinshe bolashaqqa úlken mindet qoıdy. 20 mıllıon halqy bar Qazaqstan úshin bir palataly Parlament óńirlerdiń de, tikeleı saılaýshylardyń da múddesine saı keledi, - dep óz pikirin túıindedi ózbekstandyq saıasattanýshy Bahtıer Ergashev.
Eske salaıyq, buǵan deıin Qazaqstandaǵy konstıtýtsııalyq reformalar týraly eýropalyq sarapshylar pikir bildirgen bolatyn.