Qazaqstandaǵy alǵashqy munaı óńdeý zaýyty qalaı quryldy
ASTANA. KAZINFORM - Qazaqstandaǵy alǵashqy munaı óńdeý zaýytynyń irgetasy 1943 jyly Atyraýda qalanǵan.
1943 jyly sáýirde KSRO Memlekettik Qorǵanys komıteti Keńes Odaǵynyń shyǵys aımaqtarynda munaı óńdeý zaýytyn salý týraly qupııa qaýly shyǵardy.
Kásiporynnyń ornalasatyn jeri Gýrev (qazirgi Atyraý) qalasy bolyp bekitildi.
Zaýyt qurylysyna amerıkandyq ınjenerler belsendi atsalysyp, tehnıkalyq jobasyn daıyndap, «lend-lız» sharty boıynsha jabdyqtardyń bir bóligin jetkizdi.
Jobany jergilikti erekshelikterdi eskere otyryp, keıinnen zaýyttyń alǵashqy basshysy bolǵan Gavrııl Gorechenkov bastaǵan keńestik ınjenerler júzege asyrdy.
Qazaqtan shyqqan tuńǵysh munaı ınjeneri, dańqty munaıshy Safı Ótebaev tehnıkalyq qujatty ázirleýge belsene qatysty.
Zaýyt qurylysy 1943 jyly qazanda bastaldy. Qýaty jylyna 800 myń tonna munaı óńdeıtin kásiporyn soǵystan keıin iske qosyldy.
1945 jyly 8 qyrkúıekte №441 MÓZ-i alǵashqy ónimin – avtomobıl benzınin shyǵardy.
Osylaısha Qazaqstannyń munaı óńdeý salasynyń negizi qalandy.
