Qazaqstandaǵy alǵashqy avtojol tonneli ashylýǵa daıyn
ShAQPAQ BABA. KAZINFORM — Túrkistan oblysy Shaqpaq baba asýyndaǵy elimizdegi alǵashqy avtojol tonneliniń ashylýy qarsańynda aýqymdy oqý-jattyǵý ótti. Atalǵan oqý-jattyǵýǵa tonnelge qyzmet kórsetýge jaýapty mamandar, Túrkistan oblysy TJD, polıtsııa qyzmetkerleri (100 adam men 15 arnaıy tehnıka) jumyldyryldy.
Oqý-jattyǵý barysynda tótenshe jaǵdaıda oryndalatyn jedel is-áreketter pysyqtaldy.
Osy oraıda jeldetý, beınebaqylaý, órt dabyly jáne órt sóndirý júıesi sııaqty tonnel qaýipsizdiginiń negizgi júıelerin synaýǵa erekshe nazar aýdaryldy.
Atalǵan júıeler qurylymnyń qaýipsizdik standarttaryn rastaı otyryp, paıdalanýǵa daıyn ekenin kórsetti.
Oqý-jattyǵý kezeńderiniń biri isten shyqqan kólik quralyn jedel súıretýdi pysyqtaý, sondaı-aq, jol-paıdalaný tehnıkasynyń qozǵalysyn uıymdastyrý tártibi boldy.
Túrkistan oblysy TJD mamandary jol qyzmetteri úshin nusqama ótkizip, onyń barysynda tótenshe jaǵdaı týyndaǵanda oryndalatyn is-áreket tártibin túsindirdi.
Oqý-jattyǵý tonnelde tótenshe jaǵdaı týyndaǵan kezeńde búkil jumyldyrylǵan qyzmetterdiń jedel is-áreket daıyndyǵyn arttyrýǵa yqpal etti.
Tonnel osy aıda halyq ıgiligine paıdalanýǵa beriledi.
