Qazaqstandaǵy alǵashqy atom elektr stantsııasy qandaı bolady
QONAEV. KAZINFORM — Almaty oblysyndaǵy Úlken aýylynyń mańynda Qazaqstandaǵy alǵashqy atom elektr stantsııasynyń qurylysyna bastaý berý rásimi bastalyp jatyr.
Qurylys alańyna arnaıy tehnıka jetkizilip, sondaı-aq Novovoronej atom elektr stantsııasynyń maketi ornatylǵan.
QR Atom energetıkasy agenttiginiń málimetinshe, Qazaqstanda salynatyn stantsııa osy úlgige uqsas bolady. Makette kórsetilgen № 6 energoblok — álemdegi 3+ býynyna jatatyn alǵashqy energoblok.
Saltanatty is-sharaǵa QR Atom energetıkasy agenttiginiń basshysy Almasadam Sátqalıev pen «Rosatom» memlekettik korporatsııasynyń bas dırektory Alekseı Lıhachev qatysady dep josparlanǵan.
Rásim uıymdastyrylar jerde topyraq synamasyn alý úshin burǵylaý jumystary júredi. Alynǵan kapsýladaǵy úlgiler Reseı jaǵyna zertteý júrgizý úshin tapsyrylady.
Qazaqstandaǵy alǵashqy atom elektr stantsııasynyń qurylysyn aıaqtaý 2035–2036 jyldarǵa josparlanǵan.
Eske salaıyq, buǵan deıin «Rosatom» kompanııasy Qazaqstandaǵy alǵashqy atom elektr stantsııasyn salý jobasy boıynsha halyqaralyq konsortsıýmnyń kóshbasshysy retinde anyqtalǵanyn jazǵan edik.