Qazaqstandaǵy 1,5 myńnan astam gıdrotehnıkalyq qurylystyń 300-ge jýyǵy qaýipti - TJM

Tótenshe jaǵdaılar mınıstri Syrym Sháriphanov Úkimet otyrysynda eldegi 1,5 myńnan astam gıdrotehnıkalyq qurylystyń 300-ge jýyǵy qaýipti ekenin aıtty, dep habarlaıdy Kazinform.

«Eldi mekenderdi sý basý sebepteriniń biri gıdrotehnıkalyq qurylystardyń yqtımal buzylýy bolyp otyr. Qolda bar 1,5 myńnan astam gıdrotehnıkalyq qurylystyń 300-ge jýyǵy yqtımal qaýip tóndiredi. Olardyń kópshiligi halyqty jergilikti qulaqtandyrý júıelerimen jabdyqtalmaǵan. Osyǵan baılanysty Sý resýrstary jáne ırrıgatsııa mınıstrligi men ákimdikter gıdrotehnıkalyq qurylystardy jergilikti qulaqtandyrý júıelerimen jabdyqtaýy qajet. Sý tasqynyna daıyn bolmaý saldarynan sý basý problemasy týyndaıdy. Atap aıtqanda, kólik qozǵalysynyń úzilýine jáne jekelegen eldi mekenderdiń oqshaýlanýyna ákeledi», - dedi Syrym Sháriphanov.

Mınıstr 1 qańtarda ǵana Qostanaı jáne Batys Qazaqstan oblystarynyń avtojoldaryn sý shaıyp, kóshelerdi sý basýdyń 2 faktisi tirkelgenin atap ótti. 

«Osyǵan baılanysty Kólik mınıstrligine ákimdiktermen birlesip avtomobıl joldaryn jobalaý jáne jóndeý kezinde jańa joldardy qurýdy nemese qoldanystaǵy sý ótkizý qurylystarynyń ótkizý qabiletin arttyrý qajet», - dedi ol.