Qazaqstanda zymyrandy-artıllerııalyq korabl qurylady
A. Qarashanyń 20-sy. QazAqparat /Qanat Mámetqazyuly/ ‑ Elimizde zymyrandy-artıllerııalyq korabl qurylady. Búgin QR Qorǵanys mınıstrliginde ótken alqa májilisi barysynda Qorǵanys mınıstrligi Áskerı-teńiz kúshteri bas qolbasshysy, 1-shi rangaly kapıtan Jandarbek Januzaqov osylaı málim etti,
dep habarlaıdy QazAqparat.
«Áskerı-teńiz kúshteri elimizdegi Qorǵanys kúshteriniń eń jas túri bolyp tabylady. Osy salany damytý QR Joǵary Bas qolbasshy, QR Prezıdentiniń tikeleı nusqaýlarymen júzege asyp otyr. Byltyrǵy jyly áskerı-teńiz kúshterinde birqatar mańyzdy sharalar atqaryldy. Atap aıtqanda, 2025 jylǵa deıingi salany strategııalyq jáne satylap damytýǵa baǵyttalǵan tujyrymdama maquldandy. Sonymen birge, bıyl biz jańa zymyrandy-artıllerııalyq korabl qurylysy boıynsha kelisimshartqa otyryp, oǵan qajetti qarajat bólinip otyr. Bul korabl otandyq kásiporynda - Oraldyń «Zenıt» zaýytynda qurylady», dedi J. Januzaqov. Onyń aıtýynsha, 2010 jyldyń negizgi mindetteri batys strategııalyq baǵyty boıynsha ártúrli korabl brıgadalaryn jasaqtaý, áskerı-teńiz kúshteriniń jaǵalaýdaǵy qajetti ınfraqurylymyn qurý, korabl ekıpajdarynyń odan ári oqý-jattyǵý sharalaryn jetildire túsý bolyp tabylady.
«Bıylǵy jyly áskerı-teńiz kúshteriniń quramy Qazaqstannyń, Reseıdiń, Pákistannyń, Germanııa men Túrkııanyń áskerı-teńiz ýchılışelerin bitirgen túlekterimen tolyǵa túsedi», dedi J. Januzaqov.
