Qazaqstanda zorlyq-zombylyqqa qarsy 16 kúndik aktsııa bastaldy
Qazir elordada «Qazaqstandaǵy otbasy ınstıtýty jáne otbasy saıasaty: máseleleri, úrdisteri men keleshegi» atty halyqaralyq konferentsııa ótip jatyr.
«Qoǵamdaǵy zorlyq-zombylyqty joıý taqyryby ózekti bolyp qala beredi. Ókinishke qaraı, áıelder men balalardyń zorlyq-zombylyqtyń qurbany bolǵan faktiler týraly jıi estımiz. Osy oraıda búginde qoǵamdaǵy teris qubylysty joıýǵa qatysty naqty sharalar qabyldanyp jatyr. Memleket basshysy elimizde otbasyn qorǵaý men qoldaýdyń tutas júıesin qurý jáne zorlyq-zombylyqqa múldem tózbeýshilikti qalyptastyrý qajettigin únemi aıtady. Qazirgi ýaqytta Parlament Májilisiniń depýtattary Qazaqstandaǵy Otbasy ınstıtýtyn nyǵaıtý týraly zań jobasyn ázirledi. Onda otbasylyq-turmystyq zorlyq-zombylyqtyń aldyn alýǵa qatysty keshendi sharalar qaralǵan», - dedi QR Prezıdentiń janyndaǵy Áıelder isteri jáne otbasylyq demografııalyq saıasat jónindegi ulttyq komıssııanyń tóraǵasy, QR Parlamenti Májilisiniń depýtaty Lazzat Ramazanova.
Atalǵan shara aıasynda «Zorlyq-zombylyqqa qarsy 16 kúndik áreket» halyqaralyq naýqany sheńberinde Qazaqstandaǵy Adam quqyqtary jónindegi ókili Elvıra Ázimova men QR Іshki ister vıtse-mınıstri Murat Baımuqashev birlesken is-qımyl josparyna qol qoıdy.
Sondaı-aq jospar aıasynda elimizde zorlyq kórsetýge qarsy 16 kúndik aktsııa bastaldy.
