Qazaqstanda zııandy gazdardyń ekologııaǵa áserin tómendetý qadamdary aıqyndalýda

NUR-SULTAN. QazAqparat – Elordada jasyl tehnologııalar men taza kómir tehnologııalaryn engizýge qatysty dóńgelek ústel otyrysy ótti, dep habarlaıdy QazAqparat tilshisi.

«Halyqaralyq jasyl tehnologııa jáne ınvestıtsııalyq jobalar ortalyǵy» kommertsııalyq emes aktsıonerlik qoǵamy tóraǵasynyń mindetin atqarýshy Janar Igenova álemdegi energııa tegeriminde kómirdiń generatsııasy róline jaıynda toqtaldy. Sonymen qatar ol Qazaqstanda jasyl tehnologııalar baǵytynda damý úshin negiz bar ekenin, «jasyl» ekonomıkaǵa aýysý úshin tıisti saıasat júrgizilip jatqanyn atap ótti. Bul turǵyda zııandy gazdardyń qorshaǵan ortaǵa áserin tómendetý úshin josparly jumystar atqarylyp jatyr. «Qazirgi kezde tómen kómirtekti strategııany daıarlaý boıynsha jumys júrip jatyr jáne ol jyl sońyna deıin qabyldanýy kerek. Bul óz kezeginde Qazaqstanda parnık gazdarynyń taralýyn qysqartýdyń áleýetin aıqyndaıdy. Sonymen qatar, osy salada tehnologııalyq sheshimder men ınvestıtsııalardyń múmkindikteri qamtylady», - dedi J. Igenova.

Óz kezeginde Ǵumarbek Dáýkeev atyndaǵy Almaty energetıka jáne baılanys ýnıversıtetiniń professory Andreı Kıbarın kómirdi paıdalanýǵa qatysty ekologııa máselelerin sheshý úshin jańa tehnologııalardy engizý kerek.

«Qazaqstanda kómir qory jetkilikti. Sondyqtan bizde taza kómir tehnologııalaryn engizý úshin ýaqytymyz bar. Bul turǵyda ǵylymı zertteýlerge mán berý kerek. ıAǵnı kómirden gaz bólý, qaıta túzilgen hımııalyq zattardy, energııa qamtıtyn ónimderdi óndirý boıynsha keń aýqymdy zetteýlerge kirisken mańyzdy», - dedi Andreı Kıbarın.

Kezdesý barysynda ókiletti organdardyń jáne kómir ónerkásibiniń ókilderi elimizde «taza» kómir generatsııasyn engizý múmkindigin talqylady.