Qazaqstanda jylyna temekimen baılanysty aýrýlardyń saldarynan 25 myńnan astam adam kóz jumady - dóńgelek ústel otyrysy
amyrdyń 13-i. QazAqparat /Aıdar Ospanalıev/ - Qazaqstanda jylyna temekimen baılanysty aýrýlardyń saldarynan 25 myńnan astam adam kóz jumady. Búgin Májilis depýtaty Dınar Nóketaeva «Qazaqstan zańnamasyn Dúnıejúzilik densaýlyq saqtaý uıymynyń temekige qarsy kúres jónindegi negizdemelik konventsııasyna úılestirý»
atty taqyrypta ótken dóńgelek ústel otyrysynda osyndaı málimetter keltirdi, dep habarlaıdy QazAqparat.
«Halyq densaýlyǵy elimizdiń basty baılyǵy jáne ol memleketimizdiń basty máseleleriniń biri. Memleket basshysy Nursultan Nazarbaev óziniń bıylǵy jylǵy Joldaýynda salaýatty ómir saltyn qalyptastyrý azamattardyń ómir sapasyn artyrýdaǵy mańyzdy máselelerdiń biri ekendigin erekshe atap kórsetti. Ókinishke oraı biz qazir elimizde temekimen baılanysty jaǵdaıdyń qatty ýshyǵyp otyrǵanyn moıyndaýymyz kerek», dedi depýtat.
Ol keltirgen málimetter boıynsha elimizde 4,2 mıllıon azamat temeki shegedi. Sondaı-aq qazaqstandyqtardyń temekini tutyný deńgeıi sońǵy jyldary kúrt ósip otyr. Sońǵy birneshe jyldyń ózinde ǵana transulttyq temeki óndiretin korporatsııalar árbir qazaqstandyqqa kúnine 7 temeki bere alatyn jaǵdaıǵa jetken. «Óz kezeginde atalmysh jaǵdaı elde temekimen baılanysty aýrýlardyń saldarynan kóz jumatyn azamattar sanyn arttyrdy», dedi halyq qalaýlysy.
