Qazaqstanda jylyna qansha adam habar-osharsyz joǵalatyny anyqtaldy
ASTANA. QazAqparat -Jyl saıyn polıtsııaǵa habar-osharsyz joǵalǵan 4-4,5 myń adam týraly málimet túsedi. Bul týraly búgin QR Parlament Májilisinde «Daktıloskopııalyq jáne genomdyq tirkeý týraly» zań jobasyn tanystyrǵan tanystyrý barysynda QR Іshki ister vıtse-mınıstri Rashıd Jaqypov málim etti, dep habarlaıdy QazAqparat.
«Habar-osharsyz joǵalǵandarǵa toqtalatyn bolsaq, jyl saıyn Qazaqstan aýmaǵynda ortasha eseppen 4-4,5 myń iz-túzsiz joǵalǵan adamdar týraly ótinimderdi tirkeımiz. Bul adamdardyń 80-85 paıyzyn biz anyqtaımyz, sebebi olardyń joǵalýy qandaı da bir qylmyspen baılanysty emes, ıaǵnı ańǵaldyqpen nemese týystarymen baılanysty joǵaltyp alýyna qatysty bolady. Adam saparǵa shyǵyp ózi týraly habar berýdi úzedi. Jalpy, osyndaı habar-osharsyz joǵalǵandardyń 30 paıyzyna deıingisin alǵashqy eki-úsh táýlikte anyqtaımyz»,-dedi Jaqypov.
Onyń sózine qaraǵanda, daktıloskopııalyq jáne genomdyq tirkeý adam ólgennen keıin kóp ýaqyt ótse de tanylmaǵan máıitter boıynsha naqty málimetter alýǵa múmkindik beredi.
Osy rette vıtse-mınıstr aǵymdaǵy jyly ishki ister organdary Ózbekstannyń daktıloskopııalyq bazanyń arqasynda 70-ke jýyq máıitterdi sáıkestendirgenin jetkizdi.
