Qazaqstanda jylyna 600-ge jýyq bala qaterli isik aýrýyna shaldyǵýda
ALMATY. QazAqparat - Qazaqstanda jylyna 600-ge jýyq bala qaterli isik aýrýyna shaldyǵýda. Bul týraly Almatyda ótken dóńgelek ústel barysynda QR DSM Pedıatrııa jáne balalar hırýrgııasy ǵylymı-tájirıbelik ortalyǵynyń dırektory Rıza Boranbaeva málim etti.
«2013 jyldy qorytyndylaı kele, 583 balanyń qaterli isik dertine shaldyqqanyn anyqtadyq. Onyń ishinde 133 bala - aqqan aýrýymen syrqattansa, 450 bala ózge isik túrlerine shaldyqqan», - dedi Pedıatrııa jáne balalar hırýrgııasy ǵylymı-tájirıbelik ortalyǵynyń dırektory Rıza Boranbaeva.
Onyń aıtýynsha, qazirgi tańda Qazaqstanda naýqas balalardyń 5 jyldyq ómir súrý uzaqtyǵynyń kórsetkishi 75 paıyzdy qurap otyr.
Al, kórshiles Reseıde bul kórsetkish 78 paıyzǵa jetkizilgen.
«Qaterli isikke shaldyqqan balalardyń ishinde 1 jasqa deıingi balalar - 7 paıyzdy, 3-10, 10-15 jasqa deıingi balalar - 20 paıyzdy, 15 jastan joǵary balalar 31paıyzdy qurap otyr», - dep qorytyndylady ol.
Mamandardyń aıtýynsha, balalar onkologııasy boıynsha aqqan aýrýy (34 paıyz) kósh bastap otyr. Odan keıingi kezekte ortalyq júıke júıesiniń isigi (17 paıyz) menlımfoma isigi jıi kezdesip otyr.
