Qazaqstanda jylyna 350 mln. ampýla shyǵaratyn farmatsevtıkalyq zaýyt iske qosylmaq
ASTANA. 5 maýsym. QazAqparat - Bıyl Qazaqstanda jylyna 350 mln. ampýla shyǵaratyn farmatsevtıkalyq zaýyt iske qosylady.
Bul týraly búgin Astanada GMP boıynsha "Farmatsevtıkadaǵy tıisti óndiristik tájirıbe - sapanyń joǵary standarttaryna jol" atty I Halyqaralyq konferentsııa barysynda "FarmMedIndýstrııa" qaýymdastyǵynyń prezıdenti Serik Sultanov málim etti.
«Qazirgi ýaqytta eldegi barlyq iri farmatsevtıkalyq kompanııalar jańa zaýyttar salýda. Búgin GMP sertıfıkatyn alǵan «Santo Member of Polpharma Group» (AO Hımfarm) kompanııasy aǵymdaǵy jyldyń sońynda jańa ampýla shyǵaratyn zaýytty iske qosady. Atalmysh zaýyt jylyna 350 mln. dana ampýla jasaıtyn bolady. Mundaı aýqymda burynǵy KSRO elderinde zaýyt joq», - dedi S.Sultanov.
Onyń habarlaýynsha, bul zaýyt álemde eń bedeldi GMP standarttaryna sáıkes salynýda.
