Qazaqstanda jylyna 2 myńnan astam kólik órtenedi – TJM
NUR-SULTAN. QazAqparat - 2020 jyldyń 12 aıynda Qazaqstanda avtokólikterde 2 216 órt boldy, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.
Atalmysh órtterden kelgen shyǵyn 618 mln teńgeni qurady.
2021 jyldyń qańtar aıynda avtomobıl kóliginde 210 órt boldy, onyń shyǵyny 88 mln. teńgeni qurady. 2020 jyldyń uqsas kezeńinde órtter sany 2 ese artty (2020 j. – 110), materıaldyq zalal 5 ese ósti (2020 j. - 15 mln.teńge).
Avtokóliktegi órtterdiń negizgi úlesi jeńil kólikke tıesili, atap aıtqanda 187 jaǵdaı nemese kóliktegi órtterdiń jalpy sanynyń 89%-yn quraıdy.
Órtterdiń jalpy sanynyń 15-20%-yn avtokólik quraldaryndaǵy órt quraıdy jáne sońǵy 5 jyl ishinde turǵyn úı sektoryndaǵy órtterden keıin jıiligi boıynsha turaqty ekinshi oryndy alady.
Kólik quraldarynda órttiń paıda bolýynyń negizgi sebepteri:
- avtokólik quralynyń elektr jabdyǵyn ornatý jáne paıdalaný qaǵıdalaryn buzý;
- motor bólikterin janǵysh materıaldarmen jylytý, atalmysh materıaldardy radıatorlar aldyndaǵy keńistikke ornatý;
- qoldan jasalǵan gaz jabdyǵyn ornatý;
- ot jaǵý kezindegi salaqtyq;
- otyn júıesiniń, qozǵaltqyshty maılaý júıeleriniń aqaýy;
- elektr júıesiniń aqaýy;
-ashyq otty qoldana otyryp, avtomobılderdi jóndeý jumystaryn júrgizý;
- qozǵaltqyshtardy qaýpsizdik sharalaryn qoldanbastan otpen jylytý;
- qasaqana órteý.
