Qazaqstanda jylý men energııanyń tarıfteri tym tómen - Dıvakara Gýpta
«Qazaqstan energetıka ınfraqurlymyn jańartý qajet. Sebebi ınjenerlik jeliler eskirip qalǵan. Sonyń saldarynan energııa men jylýdyń biraz bólini jelge ushyp jatyr. Al ınfraqurylymdy jańartý úshin qarjy qajet. Investorlar óz aqshasyn oǵan salǵysy kelmeıdi. Óıtkeni osy saladaǵy tarıfter tómen. Ásirese, jylý júıesiniń jaǵdaıy nashar. Ony jańartý úshin qyrýar aqsha qajet», - dedi D. Gýpta QR Prezıdenti janyndaǵy Sheteldik ınvestorlar keńesiniń búgingi otyrysynda.
Onyń aıtýynsha, Azııa damý banki energetıka salasyndaǵy jańa saıasatty qoldaýǵa ázir. «Biz óz tájirıbemizben bólisýge daıynbyz. Menińshe, ol tájirıbe tutynýshyǵa tıimdi, qorshaǵan ortaǵa paıdaly bolady», - dep atap kórsetti banktiń vıtse-prezıdenti. Búginnen bastap Dıvakara Gýpta QR Prezıdenti janyndaǵy Sheteldik ınvestorlar keńesiniń jańa múshesi retinde qabyldandy.
Aıta keteıik, otyrys barysynda QR Investıtsııalar jáne damý mınıstri Jeńis Qasymbek «Astana» halyqaralyq qarjy ortalyǵyn qurý boıynsha esep berdi. Onyń aıtýynsha, atalǵan ortalyq kelesi jyldan bastap tolyqqandy jumysisteı bastaıdy . «GE Oil & Gas» basshysy Lorentso SımonelıQazaqstanda ındýstrıaldyq ınternetti keńinen damytýdy usyndy . Al Eýropalyq qaıta qurý jáne damý bankiniń basshysy Baıqońyrdyń janynda jańa kún elektr stantsııasynyń salynatynyn málimdedi.