16:43, 02 Sáýir 2014 | GMT +6
Qazaqstanda jylý berý maýsymynyń aıaqtalý merzimi belgili boldy
ASTANA. QazAqparat - Memlekettik energetıkalyq qadaǵalaý jáne baqylaý komıteti Qazaqstan boıynsha jylytý maýsymynyń aıaqtalý merzimin jarııalady.
Jospar boıynsha, aýa raıynyń jylýyna oraı Jambyl oblysynda 7 sáýirde, Pavlodar, Aqtóbe oblystarynda 10 sáýirde, Almatyda 8 sáýirde, Astanada jáne Almaty, Atyraý, Shyǵys Qazaqstan, Batys Qazaqstan, Mańǵystaý, Qyzylorda oblystarynda 15 sáýirde jylýmen qamtamasyz etý toqtatylady dep kútilýde.
Jylý berý maýsymy eń uzaq sozylatyn aımaqtar: Aqmola, Qaraǵandy, Qostanaı jáne Soltústik Qazaqstan oblystarynda (sáýirdiń sońy, mamyrdyń basy) jalǵasatyn bolady.
Qazirgi tańda Shymkentte jáne Kentaýda jylý maýsymy aıaqtaldy.
