Qazaqstanda jylqy sany 9,6 paıyzǵa ósken

NUR-SULTAN. QazAqparat – Jyl basynan beri eldegi jylqy sany 9,6 paıyzǵa ósken. Bul týraly QR Aýyl sharýashylyǵy mınıstri Erbol Qarashókeev Úkimet otyrysynda aıtty, dep habarlaıdy QazAqparat tilshisi.

«Mal sharýashylyǵynda mal men qus sanynyń óskeni baıqalady. Mysaly, iri qara sany 4,8 paıyz artyp, 8,8 mln basqa jetse, qoı men eshki - 2,6 paıyzǵa, jylqy - 9,6 paıyzǵa, qus - 4,4 paıyzǵa kóbeıdi. Sondaı-aq, et óndirý kólemi - tirideı salmaqta 6 paıyzǵa, sút óndirý kólemi - 3,3 paıyzǵa ósti», - deıdi mınıstr.

Bul ósim óz kezeginde tamaq ónimderiniń óndirisine de oń áser etken kórinedi.

«Kórsetilgen kezeńde tamaq ónimderin óndirý kólemi 4,8 paıyzǵa ósip, 1 trln 421,2 mlrd teńgeni qurady. Bul rette qant óndirý kólemi - 3 ese, óńdelgen kúrish kólemi - 29,9 paıyzǵa, sary maıdyń óndirisi 12,8 paıyzǵa, jarmanyń - 12,6 paıyzǵa, qysqy sút ónimderiniń - 4,5 paıyzǵa, irimshik pen súzbeniń - 3 paıyzǵa, unnyń - 1,5 paıyzǵa, óńdelgen súttiń - 0,9 paıyzǵa jáne ósimdik maıynyń óndirisi 0,5 paıyzǵa artqany baıqalady», - dedi Erbol Qarashókeev.

Vedomstvo basshysynyń aıtýynsha, qańtar-tamyz aılarynda aýyl sharýashylyǵynyń negizgi kapıtalyna salynǵan ınvestıtsııa kólemi 43,2 paıyzǵa ulǵaıyp, 427 mlrd teńge bolǵan.