Qazaqstanda jylqy aýrýy joq - QR AShM

ASTANA. QazAqparat - Qazaqstan jylqy aýrýlarynan ada el dep tanyldy. Bul týraly búgin QR Aýyl sharýashylyǵy mınıstrligi veterınarııalyq baqylaý jáne qadaǵalaý komıteti tóraǵasynyń orynbasary Tursyn Qabdýldanov málim etti.

«Qazaqstannyń veterınarııalyq qyzmetine halyqaralyq epızootııalyq bıýrosynyń eki sertıfıkaty tabystaldy. Mamyr aıynyń 22-27 mamyr aralyǵynda 180 memlekettiń qatysýymen Halyqaralyq epızoottyq bıýronyń (HEB) 84-sessııasynda Qazaqstan osyndaı mártebege ıe boldy. Bul - elimizde halyqaralyq at sportyn damytýǵa, at sportynan halyqaralyq jarystardy ótkizýge múmkindik bermek», - dep atap ótti ol.
Onyń sózi boıynsha, «Jylqylardyń afrıkalyq málikten tazalyǵy týraly» atty birinshi sertıfıkat at sportyn damytýǵa quqyq beredi.
«Qazaqstanda aýsyl aýrýyn baqylaý jónindegi resmı baǵdarlamasy týraly» ekinshi sertıfıkaty elimizde baqylaý baǵdarlamasynyń halyqaralyq standarttarǵa sáıkestigin rastaıdy.