Qazaqstanda jyldyń úzdik memlekettik qyzmetshileri anyqtaldy

ASTANA. QazAqparat - Memlekettik qyzmet isteri agenttigi «Jyldyń úzdik memlekettik qyzmetshisi» konkýrsynyń qorytyndysyn jarııalady. Bul shara memlekettik qyzmettiń oń ımıdjin qalyptastyrý men elimizdiń úzdik memlekettik qyzmetshilerin anyqtaýdy kózdeıdi, dep habarlaıdy QazAqparat.

Bıyl konkýrsqa qatysý úshin elimizdiń barlyq óńirinen 609 memlekettik qyzmetshi ótinim berdi. Konkýrsqa keminde úsh jyl minsiz memlekettik qyzmet ótili bar «B» korpýsynyń memlekettik ákimshilik qyzmetshileri qatysa aldy.

Konkýrs jeńimpazdary óńirlik jáne respýblıkalyq komıssııalardyń sheshimimen anyqtaldy. Komıssııa quramy qoǵamdyq birlestikterdiń, ÚEU, BAQ ókilderinen, táýelsiz sarapshylardan jáne memlekettik organdar qyzmetshilerinen quryldy.

Birinshi kezeńde esse jazý arqyly keıstik tapsyrmanyń tıimdi sheshimin usynǵan qatysýshy ekinshi kezeńge – óńirlik komıssııa múshelerimen qurylymdyq suhbatqa shaqyryldy.

Suhbattasýdan sátti ótken úmitkerler respýblıkalyq kezeńge jiberildi. Respýblıkalyq kezeńde iriktelgen qatysýshylar komıssııa aldynda memlekettik qyzmettegi ózekti máselelerdi sheshý jáne memlekettik apparattyń tıimdiligin arttyrý boıynsha usynystaryn tanystyrdy.

Fınalıster protsesterdi bıýrokratııadan aryltý, arnaıy turǵyn úı baǵdarlamasyn iske qosý, memlekettik qyzmetshiler arasynda debat ınstıtýtyn engizý, óńirlerde tsıfrlyq bastamalardy damytý, týrıstik aımaqtardy qurý jáne t.b. birqatar usynystaryn berdi.

Respýblıkalyq komıssııanyń sheshimimen 30 úzdik usynys iriktelip, agenttiktiń «Qyzmet news» telegram arnasyna ashyq onlaın daýys berý úshin ornalastyryldy.

Onlaın daýys berý nátıjesi men konkýrs kezeńderinde jınaǵan upaılaryna sáıkes respýblıkalyq konkýrstyq komıssııa otyrysynyń sheshimimen 10 jeńimpaz anyqtaldy. Jeńimpazdardyń eń jasy 26 jasta bolsa, eń úlkeni – 39 jasta.

«Jyldyń úzdik memlekettik qyzmetshisi» baıqaýynyń jeńimpazdary bolyp kelesi qatysýshylar tanyldy:

1. Sholpan Qalıdollaqyzy Nurǵalıeva – Mańǵystaý oblysy Túpqaraǵan aýdandyq ishki saıasat, mádenıet, tilderdi damytý jáne sport bóliminiń basshysy;

2. Murager Amangeldiuly Saýranbaev – Syrtqy ister mınıstrligi Halyqaralyq aqparat komıteti tóraǵasynyń orynbasary;

3. Ashat Amangeldiuly Kenjebaev – Pavlodar oblysy Aqsý qalasy boıynsha Strategııalyq josparlaý jáne reformalar agenttiginiń Ulttyq statıstıka bıýrosy departamentiniń Statıstıka basqarmasynyń basshysy;

4.​ Jarylqasyn Talǵatuly Saqtaǵan – Almaty oblysy Qarasaı aýdany ákimi apparatynyń uıymdastyrý bóliminiń bas mamany;

4. Nurgúl Nurbaıqyzy - Qyzylorda oblysy Sot ákimshiligi departamenti Baıqońyr qalalyq sotynyń bas mamany;

5. Ertaı Múbaraquly Qýanbaı – Abaı oblysy Aýyl sharýashylyǵy jáne jer qatynastary basqarmasy basshysynyń orynbasary;

6. Erlan Asqaruly Isabaı – Qarjy mınıstrligi Memlekettik kirister komıtetiniń ortalyq keden zerthanasynyń Menedjment jáne taldaý jumysy júıesi bóliminiń basshysy;

7. Tamerlan Erkinuly Ábilqasymov – Qaraǵandy qalasy ákimi apparaty janyndaǵy terrorızm jónindegi komıssııanyń úılestirý máseleleri jónindegi bas ınspektory;

8. Sáken Ǵalymuly Túkibaev – Jetisý oblysy ákimi apparaty basshysynyń orynbasary;

9. Dinmuhamed Mahamedgapýruly Lesbekov – memlekettik ekologııalyq baqylaý bóliminiń bas mamany – Qazaqstan Respýblıkasy Ekologııa jáne tabıǵı resýrstar mınıstrligi Ekologııalyq retteý jáne baqylaý komıteti Almaty qalasy boıynsha ekologııa departamentiniń Almaty qalasy boıynsha memlekettik ekologııalyq ınspektory.

Jeńimpazdar agenttikte Memlekettik qyzmetshiler kúnine arnalǵan sharada «Jyldyń úzdik memlekettik qyzmetshisi» tósbelgisimen marapattaldy.