Qazaqstanda jylda sút bezi obyrynan myńǵa jýyq áıeldiń ómiri qıylady - QR DSM
ASTANA. 23 qazan. QazAqparat - Qazaqstanda jylda sút bezi obyrynan myńǵa jýyq áıeldiń ómiri qıylady. Bul týraly búgin Astanada ótken baspasóz máslıhatynda QR Densaýlyq saqtaý mınıstrligi Medıtsınalyq kómekti uıymdastyrý departamentiniń dırektory Ajar Tóleǵalıeva málim etti.
«Búginde qaterli isik dertinen ólim-jitim álemde ǵana emes, sonymen qatar bizdiń elimizde de ózekti bolyp otyr. Áıelderdiń ómiri negizinen sút bezi jáne jatyr moıny obyrynan qıylyp jatady. Búginde jyl saıyn sút bezi obyryna 4 myńǵa jýyq názik jandylar shaldyǵady. Osy indetten jyl saıyn bir myńǵa jýyq áıeldi joǵaltamyz», - dedi A. Tóleǵalıeva.
Osy oraıda ol jalpy Qazaqstanda onkologııalyq dertterden bolatyn ólim-jitim ekinshi orynda ekenin atap ótti.
