Qazaqstanda jylda myńǵa jýyq ata-ana balalaryn tárbıeleý quqyǵynan aıyrylady
ASTANA. QazAqparat - Jyl saıyn Qazaqstanda myńǵa jýyq ata-ana ózderiniń balalaryn tárbıeleý quqyǵynan aıyrylady. Bul týraly búgin Májiliste ótken Úkimet saǵatynda QR Іshki ister mınıstri Qalmuhanbet Qasymov málim etti, dep habarlaıdy QazAqparat.
«Polıtsııanyń ótinimimen jyl saıyn sottar myńǵa jýyq ata-anany balalaryn tárbıeleý quqyǵynan aıyrady. Osy arqyly áleýmettik jetimdiktiń deńgeıi jasandy jolmen artyp otyr»,-dedi mınıstr.
QR ІІM málimetine qaraǵanda, búginde polıtsııanyń profılaktıkalyq esebinde 12 myńnan astam turmysy nashar nemese bala tárbıesine nemquraıly qaraǵan otbasylar tirkelgen jáne osylarda 16 myńnan astam bala turyp jatyr.
«Óken jyly bala tárbıesinde mindettemelerin oryndamaǵany úshin ákimshilik jaýapkershilikke 5,5 myńnan astam ata-ana tartyldy. Balalarǵa qatal qaraýdyń 44 faktisi anyqtaldy, myńnan astam adam ata-ana quqyǵynan aıyryldy. Shyn máninde olardyń barlyǵy polıtsııanyń ǵana emes, sonymen qatar áleýmettik qyzmetter men qoǵamdastyqtyń nazarynda bolýy tıis. Árıne, polıtsııada turmysy nashar nemese bala tárbıesine nemquraıly qaraǵan otbasylarǵa yqpal etýdiń tıisti tetikteri bar, alaıda olardyń barlyǵy tek repressıvti sıpatqa ıe»,-dedi Qosymov.
Sonymen qatar ol balalarǵa qatysty zorlyq-zombylyqqa otbasyndaǵy áleýmettik-turmystyq jáne mádıtsınalyq sıpattaǵy problemalar jıi áser etetinin jetkizdi.
