Qazaqstanda jyl sońyna deıin mashına jasaý salasynyń óndiristik kólemi 1 trln. teńgege jetpek
Bul týraly búgin VII Astana ekonomıkalyq forýmynda Qazaqstannyń mashına jasaýshylary odaǵynyń tóraǵasy Meıram Pishembaev málim etti.
«2010 jyly - Údemeli ındýstrııalyq-ınnovatsııalyq baǵdarlama iske asyryla bastaǵan kezeńde Qazaqstanda mashına jasaý salasy óndirisiniń jalpy kólemi 220 mlrd teńge bolǵan edi. 2013 jyldyń qorytyndysy boıynsha onyń deńgeıi 857 mlrd. teńgege jetken. Bıyl edáýir ósim - 1 trln. 100 mlrd. teńge bolady dep josparlap otyrmyz», - dedi ol.
Onyń sózine qaraǵanda, bundaı nátıjeni elde óndiristerdiń kóbeıýimen túsindirýge bolady. Bular - lokomotıvterdi, jýk vagondary, tikushaqtar, gaz týrbınalary, kólik, traktorlar shyǵarý jáne basqa da óndirister.
«Bul qarqyn báseńdemeıdi. ÚIIDB-niń kelesi besjyldyǵynda da osy baǵyttan taımaımyz. Bul baǵdarlamada 16 basym baǵyt kórsetilgen, sonyń ishinde altaýy mashına jasaý salasy boıynsha», - dedi M. Pishembaev.
