Qazaqstanda jyl sońyna deıin 64 mekteptiń qurylysy bastalady
Bul týraly Eńbek jáne halyqtyń áleýmettik qorǵaý mınıstri Serik Shápkenov Úkimet otyrysynda aıtty.
Mınıstrdiń aıtýynsha, bıyl Jol kartasynyń birinshi baǵyty boıynsha halyqtyń turmysyn jaqsartýǵa arnalǵan 136 joba iske asyrylady. Jobalar sheńberinde 19 myń jumys orny, onyń ishinde 7,5 myń turaqty jumys oryndary qurylmaq.
«Sondaı-aq, 64 jańa mekteptiń, 13 densaýlyq saqtaý nysanynyń qurylysy, sýarý keshenin jáne turǵyn úı kommýnaldyq sharýashylyq júıesin jańartý boıynsha jumystar júrgiziledi. Jobalardy irikteý kezinde turaqty jumys oryndaryn qurýǵa jáne 3 aýysymdy jáne apatty mektepterdi azaıtýǵa, densaýlyq saqtaý nysandaryna, sýarmaly jerlerdiń kólemin ulǵaıtýǵa basty nazar aýdaryldy», - dedi vedomstvo basshysy.
Serik Shápkenov óz baıandamasynda Memleket basshysynyń tapsyrmasy boıynsha jeńildetilgen sharttarmen 6 paıyzǵa deıingi mólsherlememen mıkrokredıt berý jalǵasatynyn da eske saldy.