Qazaqstanda jyl saıyn jatyr moıny obyrynan 750 áıel qaıtys bolady - DSM
ASTANA. QazAqparat - Qazaqstanda jyl saıyn jatyr moıny obyryna 1500 áıel shaldyǵyp, 750 áıel osy aýrýdan qaıtys bolady.
Bul týraly búgin Astanada ótken "Qazaqstanda papılloma vırýsyna qarsy ekpe baǵdarlamasy. Іske asyrý joldary" atty konferentsııada Densaýlyq saqtaý mınıstrligi Medıtsınalyq kómekti uıymdastyrý departamentiniń dırektory Gúlnar Qulqaeva aıtty.
«Elimizde áıelderdiń ólimi boıynsha jatyr moıny obyry men sút bezi obyry aldyńǵy oryndardy alady. Jyl saıyn jatyr moıny obyryna 1500 áıel shaldyǵyp, 750 áıel osy aýrýdan qaıtys bolady. Sonymen qatar búginde 10700 áıel dıspanserlik esepte tur", - dedi G. Qulqaeva.
Onyń aıtýynsha, jas áıelderdiń bul qaterli dertke shaldyǵýy jyldan jylǵa kóbeıip keledi. «Bul másele Qazaqstan úshin asa qaýipti. Men áıelderimizdi jastary otyzdan asqan soń mindetti túrde dıagnostıkadan ótýge shaqyramyn», - dedi ol.
Densaýlyq saqtaý mınıstrliginiń málimeti boıynsha, kóz jumǵan qazaqstandyqtardyń ishinde onkologııalyq aýrýlardan qaıtys bolǵandar ekinshi oryndy alady.
