Qazaqstanda jyl saıyn obyrdan 17 myń adam kóz jumady
ALMATY. 6 aqpan. QazAqparat - Qazaqstanda jyl saıyn obyrdan kóz jumatyn 17 myń adamnyń 40 paıyzy eńbekke qabiletti jastaǵylar.
Bul jaıly Qazaq onkologııa jáne radıologııa ǵylymı-zertteý ınstıtýtynyń ǵylym jónindegi dırektory Tatıana Slajneva búgin Almatyda Dúnıejúzilik obyrmen kúres kúnine arnalǵan baspasóz máslıhatynda aıtty.
«Obyr aýrýy tek Qazaqstanda ǵana emes, álemniń barlyq elderindegi áleýmettik ortaq máselesi. Ol kez kelgen jastaǵy, áleýmettik-turmystyq jaǵdaıy ártúrli adamdarda da kezdesedi. Dúnıejúzilik densaýlyq saqtaý uıymynyń (DDU) málimetterine qaraǵanda 2005-2015 jyldary álemde obyrdan 8,4 mln. adam kóz jumýy múmkin», - deıdi T.Slajneva. Onyń aıtýynsha, obyrdyń ósý qarqyny Qazaqstanda jetkilikti deńgeıde joǵary. DDU-nyń zertteýlerine qaraǵanda, onkologııalyq aýrýlardyń ósýi negizinen obyrdan. Onkologııalyq aýrýlardan kóz jumýshylar Qazaqstanda 2-shi orynda tur.
