Qazaqstanda jyl saıyn eńbek naryǵynda ekonomıkalyq belsendi adamdar artýda

ASTANA. QaAqparat - Qazaqstanda jyl saıyn eńbek naryǵynda ekonomıkalyq belsendi turǵyndar sany artyp keledi. Bul týraly búgin Parlament Májilisindegi Úkimet saǵatynda «Jumyspen qamtý 2020 jol kartasy» baǵdarlamasy boıynsha baıandama jasaǵan QR Densaýlyq saqtaý jáne áleýmettik damý mınıstri Tamara Dúısenova málim etti, dep habarlaıdy QazAqparat.

«Jalpy, jyl saıyn bizdiń eńbek naryǵymyzǵa 200-250 myń azamattar jańadan kiredi. Máselen, 2010 jyly ekonomıkalyq belsendi sanattaǵy 8 mln. 600 myń adam bolsa, qazirgi tańda bul kórsetkish 9 mıllıonǵa jetip otyr. ıAǵnı jyl saıyn ósim bar. Atap aıtqanda, ár jylda 200 myńnan astam adam naryqqa kirgenin esepke ala otyryp, jumyssyzdyqtyń deńgeıin 450 myń shamasynda ustap kelemiz. Sondyqtan da bizdiń atqarǵan sharalarymyz, birinshiden, jumyssyzdyqtyń deńgeıin arttyrmaýǵa negizdelgen»,-dedi mınıstr.

Osy oraıda ol elimizde jumyssyzdyq deńgeıiniń bes paıyz sheginen aspaýy baǵdarlamanyń tıimdiliginiń arqasynda bolǵanyn atap ótti.