Qazaqstanda jyl saıyn 80 myń jasandy túsik jasalady
ASTANA. QazAqparat - Qazaqstanda jyl saıyn 80 myń jasandy túsik jasalady. Bul týraly QR Prezıdenti janyndaǵy Ortalyq kommýnıkatsııalar qyzmetinde uıymdastyrylǵan brıfıngte QR Densaýlyq saqtaý jáne áleýmettik damý mınıstrliginiń respýblıkalyq úılestirýshisi Gúl Omarova aıtty.
«Bedeýlik - birqatar otbasylyq jup úshin qasiret. Bala týýǵa qabiletsiz bizdiń elimizdegi juptardyń sany 15-16 paıyzdy quraıdy. Árbir bedeýliktiń árbir besinshisine jasandy túsik jasaý sebep bolyp otyr», - dedi ol.
Onyń sózine qaraǵanda, búginde elimizde bedeýlikti emdeý úshin joǵary tehnologııalar qoldanylýda.
«Elimizde jyl saıyn halyqtyń áleýmettik az qamtylǵan otbasylaryna 600 kvota rásimdeledi. Ol kepildendirilgen tegin medıtsınalyq kómek kólemi tizilimine engen», - dedi respýblıkalyq úılestirýshi.
G.Omarovanyń sózine qaraǵanda, sońǵy on jyldyń ishinde respýblıkada jasandy túsik jasaý úsh esege tómendep otyr. Degenmen, Eýropa elderimen salystyrǵanda áli de bolsa birshama joǵary.
«Eger Eýropa elderinde myń áıeldiń úsh-jeteýi jasandy túsik jasasa, bizde bul kórsetkish 18 bolyp otyr», - degen ol elimizde jyl saıyn 80 myń jasandy túsik jasalatynyn atap ótti.
