Qazaqstanda jyl saıyn 600 balaǵa kardıohırýrgııalyq operatsııa jasalady
ASTANA. 10 qyrkúıek. QazAqparat - Qazaqstanda jyl saıyn týa bitken júrek aqaýy bar 600-ge jýyq balaǵa operatsııa jasalady,
dep málim etti «Ulttyq ǵylymı kardıohırýrgııalyq ortalyq» AQ dırektorlar keńesiniń tóraǵasy Qadyr Omarov pm.kz saıtyna bergen suhbatynda.
«Buryndary biz týa bitken júrek aqaýy bar 40-50 balaǵa operatsııa jasaıtynbyz, endi jyl saıyn 560-600 operatsııa jasaýdamyz», - dedi Qadyr Omarov.
«Bul operatsııalar Almaty jáne Astana qalalarynda jasalady», - dep atap ótti ol.
Q.Omarovtyń aıtýynsha, respýblıkada orta eseppen 2,5 myń bala júrek aýrýymen dúnıege keledi, olardyń 45 paıyzy operatsııa jasaýdy qajetsinedi.
Sondaı-aq, «Ulttyq ǵylymı kardıohırýrgııalyq ortalyq» AQ dırektorlar keńesiniń tóraǵasy balalarǵa kardıohırýrgııalyq operatsııa jasaý úshin zamanaýı tehnologııadyq jaraqtar men joǵary bilikti mamandar qajettigin basa aıtty.
«Balalar operatsııalary úshin jaqsy tehnologııalyq múmkindikter men daıyndyǵy myqty joǵary bilikti mamandar qajet, sondyqtan operatsııalar Almaty jáne Astananyń medıtsına ortalyqtarynda ótedi», - dep aıaqtady sózin Qadyr Omarov.
