Qazaqstanda jyl saıyn 6 mln. sharshy metr turǵyn úı aýmaǵy paıdalanýǵa beriletin bolady
ASTANA. 23 qańtar. QazAqparat - Úkimet Memleket basshysynyń tapsyrmasy boıynsha jyl saıyn elimizde 6 mln. sharshy metr turǵyn úı aýmaǵyn paıdalanýǵa berýdi kózdep otyr,
dep habarlaıdy pm.kz saıty.
Qazirgi ýaqytta Memlekettik turǵyn úı-qurylys baǵdarlamasy júzege asyrylýda. Bul baǵdarlamanyń aldynda 2008-2010 jyldarǵa arnalǵan Memlekettik turǵyn úı baǵdarlamasy júzege asyrylǵan.
«Biz turǵyn úı qurylys baǵdarlamasyn júzege asyrdyq. 2008-2010 jyldarǵa arnalǵan Memlekettik turǵyn úı baǵdarlamasy boıynsha 19,7 mln. sharshy metr aýmaqtaǵy úıler paıdalanýǵa berilip, 535 myńǵa jýyq qazaqstandyq baspana máselesin sheshti», - dep málim etti elimizdiń Úkimet basshysy Kárim Másimov «Nur Otan» partııasynyń parlamenttik fraktsııasynyń otyrysynda.
2011 jyldyń qańtar-qarasha aılarynda 2008-2010 jyldarǵa arnalǵan Turǵyn úı-qurylys baǵdarlamasy boıynsha jalpy aýmaǵy 233,3 myń tekshe metr bolatyn úıler paıdalanýǵa berilgen.
