Qazaqstanda jyl saıyn 5 mln. adamǵa ınfektsııalyq aýrýlarǵa qarsy ekpe jasalady
«Qazaqstanda jyl saıyn 5 mln. adamǵa, onyń ishinde 1,3 mln. balaǵa ınfektsııalyq aýrýlarǵa qarsy ekpe jasalady. Immýnoprofılaktıka salasyndaǵy memlekettik saıasat aýrýdyń aldyn alýǵa, al elge syrttan kelgen jaǵdaıda ony taraptaýǵa jáne joıýǵa baǵyttalǵan», - dedi ol. Onyń atap ótýinshe, turǵyndardy vaktsınatsııalaý Ulttyq ekpe kúntizbesine sáıkes 21 ınfektsııalyq aýrýǵa qarsy tegin júrgiziledi. TMD elderi boıynsha eń úzdikterdiń biri sanalatyn Qazaqstannyń Ulttyq ekpe kúntizbesi Dúnıejúzilik densaýlyq saqtaý talaptaryna saı keledi. Sonymen birge Avstrııa, Izraıl, Belgııa, Germanııa, Túrkııa, Japonııa syndy damyǵan elderdiń ımmýndaý kestesine uqsas. «Respýblıkada turǵyndardy ımmýndaýǵa memlekettik tirkeýden ótken vaktsınalar ǵana paıdalanylady. Buǵan qosa, balalardy kepildik berilgen vaktsınalarmen qamtamasyz etý maqsatynda QR Densaýlyq saqtaý jáne áleýmettik damý mınıstrligi DDU sertıfıkattaǵan vaktsınalardy ǵana satyp alady», - dedi A.Tsoı.