Qazaqstanda jyl saıyn 17 myń bos jumys orny tekke qalady - T. Dúısenova
Eske sala keteıik, Senat otyrysynda «Qazaqstan Respýblıkasy men Halyqaralyq Qaıta Qurý jáne Damý banki arasyndaǵy qaryz týraly kelisimdi (Eńbek daǵdylaryn damytý jáne jumys oryndaryn yntalandyrý jónindegi joba) ratıfıkatsııalaý týraly» QR Zańy qabyldandy. Kelisimniń bir baǵyty - kásibı standarttardy belgileý jáne soǵan sáıkes oqý standarttaryn ózgertý sharalary qamtý.
«Jyl saıyn elimizde 17 myńnan astam bos jumys orny tekke qalyp otyrady. Sebebi oqý oryndaryn bitirgen azamattardyń biliktiligi jumys berýshilerdiń talaptaryna sáıkes kele bermeıdi. Bul olqylyq jumys berýshilerdiń ózderin oqý protsesine atsalysýyn belsendirý arqyly sheshilýi múmkin», dedi mınıstr T. Dúısenova.
Onyń aıtýynsha, oqý oryndaryn bitirgen azamattardyń bilim deńgeıleri sol oqý oryndarynyń ózderimen anyqtalady. Al Ekonomıkalyq yntymaqtastyq jáne damý uıymy elderinde bul máselemen jumys berýshiler nemese arnaıy belgilengen kásibı uıymdar aınalysady. Osyǵan oraı, vedomstvo basshysy elimizde dál sondaı uıymdar qurylatynyn málimdedi.