Qazaqstanda jyl saıyn 150 mektep salynbaq
ASTANA. QazAqparat - Qazaqstanda jyl saıyn jalpy bilim beretin 150 mektep salynyp, paıdalanýǵa beriledi. Bul týraly búgin OKQ uıymdastyrǵan brıfıngte QR Bilim jáne ǵylym mınıstri Aslan Sárinjipov aıtty.
«Qazaqstanda jyl saıyn 150 mektep salynady, kelesi jyly 50 mekteptiń qurylysyna bıýdjetten qarajat bólinip otyr. Sonyń ishinde tek Ońtústik Qazaqstan oblysynda 20 mekteptiń qurylysyn bastaý josparlanýda», - dep habarlady ol.
Mınıstrdiń málimdeýinshe, iri mektepterdiń qurylysy respýblıkalyq bıýdjetten, al shaǵyn mektepterdiń qurylysy jergilikti bıýdjet esebinen qarjylandyrylatyn bolady. «Biz barlyq oblystarmen memorandýmdar jasasyp, bul úrdisti birizdendirdik. Eger jergilikti bıýdjet qarjysy jetpeı jatsa, respýblıkalyq bıýdjetten qosymsha qarajat bólgizemiz», - dedi mınıstr.
