Qazaqstanda jyl saıyn 14 myń adam obyrdan kóz jumady

ALMATY. QazAqparat- Qazaqstanda qaterlik isikke jyl saıyn 36 myń adam shaldyǵady, dep habarlaıdy QazAqparat tilshisi.

Qazaqstan onkologııa jáne radıologııa ǵylymı-zertteý ınstıtýtynyń basshysy Dılıara Qaıdarovanyń dereginshe, jyl saıyn elimizde 36 myń adam qaterlik isikke shaldyǵady

Búgingi tańda dıspanserlik esepte 190 myńnan astam qazaqstandyq tur. Jyl saıyn onkologııalyq aýrýlardan shamamen 14 myń adam kóz jumady.
Qazaqstanda qaterli isiktiń eń kóp taraǵan túrleri: sút bezi obyry, ókpe, asqazan obyry, jatyr moıny obyry jáne kolorektaldy obyr.
Qazaqstanda onkologııalyq kómekti jetildirý QR Densaýlyq saqtaý salasyn damytýdyń 2020-2025 jyldarǵa arnalǵan memlekettik baǵdarlamasynyń jáne QR onkologııalyq aýrýlarmen kúres jónindegi 2018-2022 jyldarǵa arnalǵan keshendi jospardyń mindetterin iske asyrý sheńberinde júzege asyrylady.
«Respýblıkalyq uıymdarda qashyqtyqtan joǵary tehnologııalyq sáýlelik terapııa (Tomoterapııa, stereotaksıs, IMRT, IGRT), ıntraoperatsııalyq sáýlelik terapııa, aǵzalar men tinderdiń bıotransplantatsııasy, az ınvazıvti hırýrgııa damyp, patsıentterge usynylady. Klınıkalyq praktıkada ártúrli bıologııalyq markerlerdi (ımmýnogıstohımııa, molekýlıarlyq-genetıkalyq zertteýler) aıqyndaý boıynsha qyzmetter usynylady, bul onkologııalyq naýqastardy derbestendirilgen emdeýdi júrgizýge múmkindik beredi jáne QІ molekýlıarlyq-bıologııalyq erekshelikterin neǵurlym egjeı-tegjeıli zerdeleý boıynsha múmkindikterdi keńeıtedi», - deıdi QR DSM shtattan tys bas onkology, «Qazaq onkologııa jáne radıologııa ǵylymı-zertteý ınstıtýty» Aktsıonerlik qoǵamynyń basqarma tóraıymy Dılıara Qaıdarova.
Sonymen qatar, ol keshendi josparda Nur-Sultan, Semeı, Shymkent jáne Aqtóbe oblystarynda qosymsha PET-ortalyqtaryn ashý josparda ekenin atap ótti. 2021 jyldyń sáýir aıynda Semeı qalasynda radıoızotopty dıagnostıka men radıonýklıdti terapııany qoldana otyryp, Qazaqstandaǵy alǵashqy ıadrolyq medıtsına ortalyǵy ashyldy. Onda radıoıod terapııasy júrgiziledi.
«Qazaqstanda jatyr moıny obyryn, sút bezi qaterli isigin jáne tik ishektiń qaterli isigin erte anyqtaý boıynsha ulttyq skrınıngtik baǵdarlamalar júrgiziledi. Qazaqstan azamattaryna onkologııalyq aýrýlardy dıagnostıkalaý jáne emdeý tegin medıtsınalyq kómektiń kepildendirilgen kólemine (GOBMP) kiredi jáne memlekettik bıýdjetten tolyǵymen qamtylǵan»,- dedi ol.
Qazaqstan halqy úshin onkologııalyq skrınıngtiń 3 túri tegin júrgiziledi:
1) sút bezi qaterli isiginiń skrınıngi
2) jatyr moıny qaterli isiginiń skrınıngi
3) kolorektaldy qaterli isik skrınıngi
«Jyl saıyn 4 aqpanda halyqaralyq obyrǵa qarsy odaqtyń (UICC) bastamasymen dúnıejúzilik obyrǵa qarsy kúres kúni atap ótiledi. Bizdiń maqsatymyz - halyqtyń onkologııalyq aýrýlardyń aldyn alý jáne erte anyqtaý týraly habardarlyǵyn arttyrý, óz densaýlyǵyna jaýapkershilikpen qaraýdy qalyptastyrý, qoljetimdi skrınıngtik tekserýler týraly aqparattandyrý»,- dep túıindedi sózin Dılıara Qaıdarova.